ಮೆಲ್ಬರ್ನ್ : ಸೀಮಿತ ಓವರ್‌ಗಳ ಸರಣಿಗಾಗಿ ವೆಸ್ಟ್‌ ಇಂಡೀಸ್‌ ಪ್ರವಾಸ ಕೈಗೊಳ್ಳಲಿರುವ 23 ಸದಸ್ಯರ ಆಸ್ಟ್ರೇಲಿಯ ಕ್ರಿಕೆಟ್‌ ತಂಡವನ್ನು ಪ್ರಕಟಿ ಸಲಾಗಿದೆ. ಆರಂಭಕಾರ ಆರನ್‌ ಫಿಂಚ್‌ ತಂಡವನ್ನು ಮುನ್ನಡೆಸಲಿದ್ದಾರೆ.
ಈ ಸರಣಿ ವೇಳೆ ಒಟ್ಟು 8 ಪಂದ್ಯ ಗಳನ್ನು ಆಡಲಾಗುವುದು. 5 ಪಂದ್ಯಗಳ ಟಿ20 ಸರಣಿ ಸೇಂಟ್‌ ಲೂಸಿಯಾದಲ್ಲಿ ಹಾಗೂ 3 ಪಂದ್ಯಗಳ ಏಕದಿನ ಸರಣಿ ಬಾರ್ಬಡಾಸ್‌ನಲ್ಲಿ ನಡೆಯಲಿದೆ.
ನ್ಯೂಜಿಲ್ಯಾಂಡ್‌ ವಿರುದ್ಧದ ಟಿ20 ಸರಣಿಗೆ ಗೈರಾಗಿದ್ದ 8 ಮಂದಿ ಆಟ ಗಾರರು ಮತ್ತೆ ಆಸೀಸ್‌ ತಂಡಕ್ಕೆ ಸೇರ್ಪ ಡೆಗೊಂಡಿದ್ದಾರೆ. ಇವರೆಂದರೆ ಸ್ಟೀವನ್‌ ಸ್ಮಿತ್‌, ಡೇವಿಡ್‌ ವಾರ್ನರ್‌, ಪ್ಯಾಟ್‌ ಕಮಿನ್ಸ್‌, ಮಿಚೆಲ್‌ ಸ್ಟಾರ್ಕ್‌, ಜೋಶ್‌ ಹ್ಯಾಝಲ್‌ವುಡ್‌, ಮೊಸೆಸ್‌ ಹೆನ್ರಿಕ್ಸ್‌, ಅಲೆಕ್ಸ್‌ ಕ್ಯಾರಿ ಹಾಗೂ ಲೆಗ್‌ ಸ್ಪಿನ್ನರ್‌ ಮಿಚೆಲ್‌ ಸ್ವೆಪ್ಸನ್‌.
ಇದನ್ನೂ ಓದಿ :ಇಟಾಲಿಯನ್‌ ಓಪನ್‌ ಫೈನಲ್‌ : ರೋಮ್‌ ಟೆನಿಸ್‌ ಸಾಮ್ರಾಜ್ಯಕ್ಕೆ ನಡಾಲ್‌ ದೊರೆ
ಲಬುಶೇನ್‌ಗೆ “ನಿರ್ಬಂಧ’
ಆದರೆ ಕೋವಿಡ್-19 ಪ್ರಯಾಣ ನಿರ್ಬಂಧದಿಂದಾಗಿ ಆಸ್ಟ್ರೇಲಿಯದ ಸ್ಟಾರ್‌ ಬ್ಯಾಟ್ಸ್‌ಮನ್‌ ಮಾರ್ನಸ್‌ ಲಬುಶೇನ್‌ ಅವರಿಗೆ ತಂಡದಲ್ಲಿ ಸ್ಥಾನ ಲಭಿಸಿಲ್ಲ. ಸದ್ಯ ಅವರು ಇಂಗ್ಲಿಷ್‌ ಕೌಂಟಿ ಚಾಂಪಿಯನ್‌ಶಿಪ್‌ನಲ್ಲಿ ಆಡುತ್ತಿದ್ದಾರೆ.
