ಕಿಂಗ್‌ಸ್ಟನ್‌: ಮುಂಬರುವ ಇಂಗ್ಲೆಂಡ್‌ ವಿರುದ್ಧದ ತವರಿನ ಏಕದಿನ ಸರಣಿಗಾಗಿ ತಂಡವನ್ನು ಪ್ರಕಟಿಸಿರುವ ವೆಸ್ಟ್‌ ಇಂಡೀಸ್‌, ಹಿರಿಯ ಆಟಗಾರ ಮಾರ್ಲಾನ್‌ ಸಾಮ್ಯುಯೆಲ್ಸ್‌ ಅವರನ್ನು ಹೊರಗಿರಿಸಿದೆ.
ಪ್ರಧಾನ ಬ್ಯಾಟ್ಸ್‌ಮನ್‌ ಹಾಗೂ ಆಲ್‌ರೌಂಡರ್‌ ಆಗಿರುವ ಸಾಮ್ಯುಯೆಲ್ಸ್‌ ಕಳೆದ ಪಾಕಿಸ್ಥಾನ ಎದುರಿನ ಸರಣಿಯಲ್ಲಿ ಕೊನೆಯ ಸಲ ವಿಂಡೀಸ್‌ ತಂಡದಲ್ಲಿ ಕಾಣಿಸಿಕೊಂಡಿದ್ದರು. ಅನಂತರ ಜಿಂಬಾಬ್ವೆಯಲ್ಲಿ ನಡೆದ ತ್ರಿಕೋನ ಸರಣಿಯ ವೇಳೆ ತಂಡದಿಂದ ಬೇರ್ಪಟ್ಟಿದ್ದರು.
ಅನುಮಾನಾಸ್ಪದ ಬೌಲಿಂಗ್‌ ಶೈಲಿಯಿಂದಾಗಿ ಒಂದು ವರ್ಷ ನಿಷೇಧಕ್ಕೊಳಗಾಗಿದ್ದ ಸಾಮ್ಯುಯೆಲ್ಸ್‌ ಕಳೆದ ವಾರವಷ್ಟೇ ಈ ನಿಷೇಧ ಅವಧಿಯನ್ನು ಪೂರೈಸಿದ್ದರು.
36ರ ಹರೆಯದ ಸಾಮ್ಯುಯೆಲ್ಸ್‌ ವೆಸ್ಟ್‌ ಇಂಡೀಸ್‌ ಪರ 71 ಟೆಸ್ಟ್‌ ಹಾಗೂ 187 ಏಕದಿನ ಪಂದ್ಯಗಳನ್ನಾಡಿದ್ದಾರೆ.
ವೆಸ್ಟ್‌ ಇಂಡೀಸ್‌-ಇಂಗ್ಲೆಂಡ್‌ ನಡುವಿನ ಏಕದಿನ ಪಂದ್ಯಗಳು ಮಾ. 3, 5 ಹಾಗೂ 9ರಂದು ನಡೆಯಲಿವೆ.
ವೆಸ್ಟ್‌ ಇಂಡೀಸ್‌ ತಂಡ: ಜಾಸನ್‌ ಹೋಲ್ಡರ್‌ (ನಾಯಕ), ದೇವೇಂದ್ರ ಬಿಶೂ, ಕಾರ್ಲೋಸ್‌ ಬ್ರಾತ್‌ವೇಟ್‌, ಕ್ರೆಗ್‌ ಬ್ರಾತ್‌ವೇಟ್‌, ಜೊನಾಥನ್‌ ಕಾರ್ಟರ್‌, ಮಿಗ್ಯುಯೆಲ್‌ ಕಮಿನ್ಸ್‌, ಶೇನ್‌ ಡೌರಿಚ್‌, ಶಾನನ್‌ ಗ್ಯಾಬ್ರಿಯೆಲ್‌, ಶೈ ಹೋಪ್‌, ಅಲ್ಜಾರಿ ಜೋಸೆಫ್, ಎವಿನ್‌ ಲೂಯಿಸ್‌, ಜಾಸನ್‌ ಮೊಹಮ್ಮದ್‌, ಆ್ಯಶೆÉ ನರ್ಸ್‌, ಕೈರನ್‌ ಪೊಲಾರ್ಡ್‌, ರೋವ¾ನ್‌ ಪೊವೆಲ್‌.
