West Bengal; ರಸ್ತೆಯಿಂದ ಹಳದಿ ಅಂಬಾಸಿಡರ್‌ ಶೀಘ್ರ ತೆರೆಮರೆಗೆ

ಕೋಲ್ಕತಾ: ಪಶ್ಚಿಮ ಬಂಗಾಲದ ಕೋಲ್ಕತಾದ ಬೀದಿಗಳಲ್ಲಿ ವಿರಾಜಿಸುತ್ತಿದ್ದ ಮೀಟರ್‌ ಅಳವಡಿಸಿದ ಹಳದಿ ಬಣ್ಣದ ಅಂಬಾಸಿಡರ್‌ ಟ್ಯಾಕ್ಸಿಗಳು ಶೀಘ್ರದಲ್ಲೇ ತೆರೆ ಮರೆಗೆ ಸರಿಯಲಿವೆ. ಪಶ್ಚಿಮ ಬಂಗಾಲ ಸಾರಿಗೆ ಇಲಾಖೆಯು 15 ವರ್ಷ ಮೀರಿದ ವಾಣಿಜ್ಯ ವಾಹನಗಳಿಗೆ ನೀಡಲಾಗುತ್ತಿದ್ದ ಸಂಚಾರ ಅನುಮತಿಯನ್ನು ಹಿಂಪಡೆದಿದೆ. ಈ ಹಿನ್ನೆಲೆಯಲ್ಲಿ ಕೋಲ್ಕತಾ ನಗರದ ಹೆಗ್ಗುರುತಿನಂತಿದ್ದ ಹಿಂದೂಸ್ತಾನ್‌ ಮೋಟಾರ್ಸ್‌ ನಿರ್ಮಾಣದ ಅಂಬಾಸಿಡರ್‌ನ 4500 ಟ್ಯಾಕ್ಸಿಗಳು ವರ್ಷಾಂತ್ಯದ ಬಳಿಕ ಸಂಚಾರ ನಿಲ್ಲಿಸಲಿವೆ. ನಗರದಲ್ಲಿ ಪ್ರಸಕ್ತ ಸುಮಾರು 6000 ಹಳದಿ ಟ್ಯಾಕ್ಸಿಗಳಿವೆ. ಸರಕಾರದ ನಿಯಮಗಳಷ್ಟೇ ಅಲ್ಲದೇ ಬಿಡಿಭಾಗಗಳ ಕೊರತೆಯೂ ಟ್ಯಾಕ್ಸಿ ಎದುರಿಸುತ್ತಿದೆ. ಇತ್ತೀಚೆಗೆ ರಾಜ್ಯ ಸರಕಾರವು ಐತಿಹಾಸಿಕ ಟ್ರಾಮ್‌ ಸೇವೆ ನಿಲ್ಲಿಸಿತ್ತು.