ಲಕ್ಷ ಸಹಿ ಸಂಗ್ರಹ ಅಭಿಯಾನ ತಂಡಕ್ಕೆ ಮೂಲ್ಕಿಯಲ್ಲಿ ಸ್ವಾಗತ

ಮೂಲ್ಕಿ: ಮುದ್ರಾಡಿಯ ನಾಟ್ಯದೂರಿನ ನಮ್ಮ ತುಳುವೆರ್‌ ಕಲಾ ಸಂಘಟನೆಯ ಆಶ್ರಯದಲ್ಲಿ ಡಿ.23 ಮತ್ತು 24ರಂದು ಪಿಳಿಕುಳ ನಿಸರ್ಗಧಾಮದಲ್ಲಿ ನಡೆಯುವ ತುಳುನಾಡೋಚ್ಚಯೋ -2017 ಕಾರ್ಯಕ್ರಮದ ಪೂರ್ವಭಾವಿಯಾಗಿ ತುಳು ಭಾಷೆಯನ್ನು 8ನೇ ಪರಿಚ್ಛೇದಕ್ಕೆ ಸೇರ್ಪಡಿಸುವಂತೆ ಒತ್ತಾಯಿಸಿ ಲಕ್ಷ ಸಹಿ ಸಂಗ್ರಹ ಅಭಿಯಾನ ಕ್ಕೆ ತಂಡಕ್ಕೆ ಮೂಲ್ಕಿಯ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ಸ್ವಾಗತ ನೀಡಲಾಯಿತು. 

ದೇವಸ್ಥಾನದಲ್ಲಿ ಮೂಲ್ಕಿ ಸೀಮೆಯರಸರು ಹಾಗೂ ದೇಗುಲ ಆನುವಂಶಿಕ ಮೊಕ್ತೇಸರ ದುಗ್ಗಣ್ಣ ಸಾವಂತರು ಸಹಿ ಹಾಕುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಮೂಲ್ಕಿ ನ.ಪಂ. ಅಧ್ಯಕ್ಷ ಸುನೀಲ್‌ ಆಳ್ವ, ದೇಗುಲ ಆಡಳಿತೆ ಮೊಕೇ¤ಸರ ಎನ್‌. ಎಸ್‌. ಮನೋಹರ ಶೆಟ್ಟಿ, ಕಾರ್ಯ ನಿರ್ವಹಣಾಧಿಕಾರಿ ಬಿ.ಜಯಮ್ಮ ಇದ್ದರು. ಅರ್ಚಕ ಶ್ರೀಪತಿ ಉಪಾಧ್ಯಾಯ, ಯುಗಪುರುಷದ ಕೆ. ಭುವನಾಭಿರಾಮ ಉಡುಪ, ಪುನರೂರು ಪ್ರತಿಷ್ಠಾನದ ದೇವಪ್ರಸಾದ ಪುನರೂರು ಇದ್ದರು. ದೇಗುಲ ಜೀರ್ಣೋದ್ದಾರ ಸಮಿತಿಯ ಉದಯ ಶೆಟ್ಟಿ, ನಮ್ಮ ತುಳುವೆರ್‌ ಸಂಘಟನೆಯ ಅಧ್ಯಕ್ಷ ಸುಕುಮಾರ ಮೋಹನ್‌, ವಾಣಿ ಸುಕುಮಾರ್‌, ಚಂದನಾ, ಬಂಟರ ಸಂಘದ ಮಹಿಳಾ ವಿಭಾಗದ ಮುಖ್ಯಸ್ಥೆ ಗೀತಾ ಹೆಗ್ಡೆ, ಅಶೋಕ್‌ ಶೆಟ್ಟಿ, ನಗರ ಪಂಚಾಯತ್‌ ಮಾಜಿ ಸದಸ್ಯ ಸೇಸಪ್ಪ ದೇವಾಡಿಗ, ಸುಗಂದಿ ಉಮೇಶ್‌, ಜೀವನ್‌ ಶೆಟ್ಟಿ, ಶಮೀನಾ ಆಳ್ವ ಮೊದಲಾದವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.