Weight Limit ಆ್ಯತ್ಲೀಟ್‌ಗಳ ಹೊಣೆ: ಕ್ರೀಡಾ ಕೋರ್ಟ್‌

ಹೊಸದಿಲ್ಲಿ: ಒಲಿಂಪಿಕ್ಸ್‌ ಸ್ಪರ್ಧೆಗಳಲ್ಲಿ ತೂಕ ವನ್ನು ಕಾಪಾಡಿಕೊಳ್ಳುವುದು ಆ್ಯತ್ಲೀಟ್‌ಗಳ ಜವಾಬ್ದಾರಿ. ಯಾವುದೇ ಸಂದರ್ಭದಲ್ಲೂ ಇದಕ್ಕೆ ವಿನಾಯಿತಿ ನೀಡಲು ಸಾಧ್ಯವಿಲ್ಲ ಎಂದು ಅಂತಾರಾಷ್ಟ್ರೀಯ ಕ್ರೀಡಾ ನ್ಯಾಯಾಲಯ ಖಚಿತ ಸ್ವರದಲ್ಲಿ ಹೇಳಿದೆ. ಈ ಮೂಲಕ ವಿನೇಶ್‌ ಫೋಗಾಟ್‌ ಅರ್ಜಿಯನ್ನು ತಿರಸ್ಕರಿಸಿದ್ದೇಕೆಂದು ಕಾರಣ ನೀಡಿದೆ. ಪ್ಯಾರಿಸ್‌ ಒಲಿಂಪಿಕ್ಸ್‌ ಫೈನಲ್‌ನಲ್ಲಿ 100 ಗ್ರಾಮ್‌ ಹೆಚ್ಚುವರಿ ತೂಕದಿಂದಾಗಿ ಅನರ್ಹಗೊಂಡಿದ್ದ ವಿನೇಶ್‌ ಕುಸ್ತಿ ಪದಕ ತಪ್ಪಿಸಿಕೊಂಡಿದ್ದರು. ಇದರ ವಿರುದ್ಧ ಅವರು ಸಲ್ಲಿಸಿದ್ದ ಅರ್ಜಿಯನ್ನು ಕ್ರೀಡಾ ನ್ಯಾಯಾಲಯ ತಿರಸ್ಕರಿಸಿತ್ತು.