ವೀಕೆಂಡ್  ಕರ್ಫ್ಯೂನ ಎರಡನೇ ದಿನವೂ ಮೂಡುಬಿದಿರೆ ಸ್ತಬ್ಧ

ಮೂಡುಬಿದಿರೆ : ವೀಕೆಂಡ್  ಕರ್ಫ್ಯೂನ ಎರಡನೇ ದಿನ ವಾದ ರವಿವಾರವೂ ಮೂಡುಬಿದಿರೆಯಲ್ಲಿ‌ ಪೂರ್ಣ ಯಶಸ್ವಿಯಾಗಿದೆ.

ಅವಶ್ಯಕ  ವಸ್ತುಗಳನ್ನು ಈ ಕಳೆದ ಎರಡು ದಿನಗಳಲ್ಲಿ ಜನರು‌ಕೊಂಡಿದ್ದರಿಂದಲೋ ಏನೋ ದಿನಸಿ , ತರಕಾರಿ ಅಂಗಡಿಗಳಲ್ಲಿ ಅಷ್ಟೊಂದು ಒತ್ತಡ ಕಂಡುಬರಲಿಲ್ಲ. ಆದರೆ, ಮೀನು , ಮಾಂಸ ಕೊಂಡುಕೊಳ್ಳುವ‌ ಗ್ರಾಹಕರು ಹೆಚ್ಚಿನ ಸಂಖ್ಯೆಯ ಲ್ಲಿ ಕಂಡುಬಂದರು.

ಕೆಲವೇ ಕೆಲವು ಅಟೋರಿಕ್ಷಾ ಗಳೂ ಹತ್ತುಗಂಟೆಯವರೆಗೆ ಓಡಾಡಿದವು. ಬಳಿಕ ಎಲ್ಲ ಸ್ತಬ್ಧವಾದಂತೆ ಕಂಡಿದೆ. ಇದೇ ವೇಳೆಗೆ ದಿನಕ್ಕೊಂದು ನೀತಿಯನ್ನು , ಕರ್ಫ್ಯೂ ,ಬಂದ್ ಮೊದಲಾದ ಕ್ರಮ ಗಳನ್ನು ಸಾಕಷ್ಟು ಪೂರ್ವಸೂಚನೆ ಇಲ್ಲದೆ ಆದೇಶ ಹೊರಡಿಸುವುದೆಷ್ಟು ಸರಿ? ಎಂದು ಜನರೂ ವ್ಯಾಪಾರಿ ಗಳೂ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದರು.