ನಾವು ಅನ್ನ ಮಾಡುವ ಕ್ರಮವೇ ತಪ್ಪು: ಸಂಶೋಧನೆ

ಲಂಡನ್‌: ಅನ್ನ ಮಾಡಲು ಹೊರಟಿದ್ದೀರಿ. ಅಕ್ಕಿಯನ್ನು ಕುದಿಸಿಯೋ, ಹಬೆಯಲ್ಲಿ ಬೇಯಿಸಿಯೋ ಅನ್ನ ಮಾಡುತ್ತೀರಿ. ರಾಸಾಯನಿಕಗಳು, ಕೀಟಾಣುಗಳೆಲ್ಲ ಈ ಹಬೆಯಲ್ಲಿ ನಿರ್ಮೂಲನೆ ಆಗಿವೆ ಎಂಬ ನಂಬಿಕೆಯಿಂದ ಹೊಟ್ಟೆ ಭರ್ತಿ ಮಾಡಿಕೊಂಡು ತೇಗುತ್ತೀರಿ! ಆದರೆ, ಈ ನಂಬಿಕೆಯೇ ಸುಳ್ಳಂತೆ! ನಾವ್ಯಾರೂ ಸರಿಯಾದ ವಿಧಾನದಲ್ಲಿ ಅಕ್ಕಿಯನ್ನು ಅನ್ನ ಮಾಡುತ್ತಿಲ್ಲ ಎಂದು ಹೊಸ ಸಂಶೋಧನೆ ಹೇಳಿದೆ.

ಅಕ್ಕಿಯನ್ನು ನೀರಿನಲ್ಲಿ ಕುದಿಸಿದ ಮಾತ್ರಕ್ಕೆ, ಹಬೆಯಲ್ಲಿ ಬೇಯಿಸಿದ ಮಾತ್ರಕ್ಕೆ ಕೀಟಾಣುಗಳು ಸತ್ತವು ಎಂದು ತಿಳಿಯುವುದೇ ತಪ್ಪು. ಭತ್ತಕ್ಕೆ ಸಿಂಪಡಿಸಿದ ರಾಸಾಯನಿಕಗಳು, ಕೀಟನಾಶಕಗಳು ಅಕ್ಕಿಗೂ ಸೇರಿಕೊಳ್ಳುತ್ತವೆ. ಇವು ನೀರಿನಲ್ಲಿ ಕುದಿಸಿದಾಗ, ಬೇಯಿಸಿದಾಗ ನಿರ್ಮೂಲನೆ ಆಗುವುದಿಲ್ಲ ಎಂದು ಇಂಗ್ಲೆಂಡಿನ ಬೆಲ್‌ಫಾಸ್ಟ್‌ನ ಕ್ವೀನ್ಸ್‌ ವಿವಿಯ ಪ್ರಯೋಗ ಹೇಳಿದೆ.

ಹೀಗೆ ಬಳಸಿದ ಅನ್ನವೇ ಇಂದು ಕಿಬ್ಬೊಟ್ಟೆ ನೋವು, ಅತಿಸಾರ, ಹೃದ್ರೋಗ ಮತ್ತು ಚರ್ಮದ ಕಾಯಿಲೆಗಳಿಗೆ ಕಾರಣವಾಗುತ್ತಿದೆ. ಅನ್ನದಲ್ಲಿ ಕೀಟನಾಶಕಗಳ ಔಷಧಿಯಲ್ಲಿದ್ದ ಸಲ#ರ್‌, ಸತು ಸೇರಿದಂತೆ ಹಲವು ರಾಸಾಯನಿಕಗಳು ಹಾಗೆಯೇ ಇರುತ್ತವೆ ಎಂದು ತಂಡ ಹೇಳಿದೆ. ಇದರ ಬದಲಾಗಿ ಅಕ್ಕಿಯನ್ನು ರಾತ್ರಿ ನೀರಿನಲ್ಲಿ ನೆನೆಸಿಟ್ಟು ಅನ್ನ ಮಾಡಿದರೆ, ಶೇ.80ರಷ್ಟು ರಾಸಾಯನಿಕಗಳು ನಿರ್ಮೂಲನೆ ಆಗುತ್ತವೆ ಎಂದಿದೆ.