ಕಿಂಗ್‌ ಇರುವಾಗ ಕಿಂಗ್‌ ಮೇಕರ್‌ಗಳ ಅಗತ್ಯವಿಲ್ಲ : ರಾಮ್‌ ಮಾಧವ್‌

ಹೈದರಾಬಾದ್‌ : ನಮ್ಮಲ್ಲಿ ಕಿಂಗ್‌ ಇರುವಾಗ ಕಿಂಗ್‌ ಮೇಕರ್‌ಗಳ ಅಗತ್ಯವಿಲ್ಲ ಎಂದು ಬಿಜೆಪಿ ನಾಯಕ ರಾಮ್‌ ಮಾಧವ್‌ ಅವರು ತೆಲಂಗಾಣ ಮುಖ್ಯಮಂತ್ರಿ ಕೆ.ಚಂದ್ರಶೇಖರ್‌ ರಾವ್‌ ಅವರಿಗೆ ಟಾಂಗ್‌ ನೀಡಿದ್ದಾರೆ.

ಎಎನ್‌ಐನೊಂದಿಗೆ ಮಾತನಾಡಿದ ರಾಮ್‌ ಮಾಧವ್‌, ತೆಲಂಗಾಣ ಸಿಎಂಗೆ ಕಿಂಗ್‌ ಮೇಕರ್‌ ಆಗುತ್ತೇನೆಂಬ ಮಹತ್ವಾಕಾಂಕ್ಷೆ ಇದೆ. ಆದರೆ ಕಿಂಗ್‌ ಇರುವಾಗ ಕಿಂಗ್‌ ಮೇಕರ್‌ ಬೇಕಾಗುವುದಿಲ್ಲ, ಬಿಜೆಪಿ ಸ್ಪಷ್ಟ ಬಹುಮತ ಪಡೆದು ಮತ್ತೆ ನರೇಂದ್ರ ಮೋದಿ ಪ್ರಧಾನಿ ಆಗಲಿದ್ದಾರೆ ಎಂದರು.

ಪ್ರಧಾನಿ ಎಲ್ಲರನ್ನೂ ಒಟ್ಟಿಗೆ ಕರೆದೊಯ್ಯುತ್ತಿದ್ದಾರೆ. ಫ‌ಲಿತಾಂಶದ ಬಳಿಕ ನಮಗೆ ಯಾರ ಬೆಂಬಲವೂ ಬೇಕಾಗುವುದಿಲ್ಲ. ಬಹುಮತವನ್ನು ಬಿಜೆಪಿ ಪಡೆಯುತ್ತದೆ ಎಂದರು.