ವಯನಾಡ್‌: ಪ್ರೀತಿಸಿದ ಮಹಿಳೆಯ ತಬ್ಬಿಕೊಂಡು ಸ್ಫೋಟಿಸಿಕೊಂಡ!

ಕಲ್ಲಿಕೋಟೆ: ಅತ್ಯಂತ ವಿಚಿತ್ರ ಆತ್ಮಾಹುತಿ ದಾಳಿಯೊಂದು ಕೇರಳದ ವಯನಾಡ್‌ನ‌ಲ್ಲಿ ಸಂಭವಿಸಿದೆ. ಪ್ರೀತಿಸಿದ ಮಹಿಳೆಯ ಮನೆಗೆ ತೆರಳಿ ಆಕೆಯನ್ನು ತಬ್ಬಿಕೊಂಡ ವ್ಯಕ್ತಿ, ಸೊಂಟಕ್ಕೆ ಕಟ್ಟಿಕೊಂಡಿದ್ದ ಕಚ್ಚಾ ಬಾಂಬ್‌ ಸ್ಫೋಟಿಸಿಕೊಂಡು ಆತ್ಯಹತ್ಯೆ ಮಾಡಿಕೊಂಡಿದ್ದಾನೆ. ಈ ಸ್ಫೋಟದಲ್ಲಿ ಮಹಿಳೆಯೂ ಸಾವನ್ನಪ್ಪಿದ್ದಾಳೆ. ವಯನಾಡ್‌ನ‌ ಸುಲ್ತಾನ್‌ ಬತ್ತೇರಿ ಬಳಿ ನಯ್ಕಟ್ಟಿಯಲ್ಲಿ ಈ ಘಟನೆ ಶುಕ್ರವಾರ ಸಂಭವಿಸಿದೆ. ಮೃತರನ್ನು ಮುಲಂಕಾವಿನ ಬೆನ್ನಿ, ನಯ್ಕಟ್ಟಿಯ ಅಮಲಾ ಎಂದು ಗುರುತಿಸಲಾಗಿದೆ. ಇಬ್ಬರಿಗೂ ವಿವಾಹವಾಗಿತ್ತು. ಇವರು ಅಕ್ರಮ ಸಂಬಂಧ ಹೊಂದಿದ್ದರು ಎಂದು ಹೇಳಲಾಗಿದೆ. ಶುಕ್ರವಾರ ಪ್ರಾರ್ಥ ನೆಗೆಂದು ಅಮಲಾ ಪತಿ ನಾಸರ್‌ ತೆರಳಿದ್ದಾಗ ಮಧ್ಯಾಹ್ನ ಈ ಘಟನೆ ಸಂಭವಿಸಿದೆ. ಅಮಲಾ 3 ವರ್ಷದ ಮಗಳಿದ್ದು, ಮಗು ಅಪಾಯದಿಂದ ಪಾರಾಗಿದೆ.