Water; ಜಲ್‌ ಜೀವನ್‌ ಮಿಷನ್‌: ರಾಜ್ಯದಲ್ಲಿ ಶೇ.71 ಸಾಧನೆ

ಹೊಸದಿಲ್ಲಿ: ಜಲ್‌ ಜೀವನ್‌ ಸ್ಕೀಮ್‌ನಡಿ ಗ್ರಾಮೀಣ ಭಾಗದ ಶೇ.75ರಷ್ಟು ಮನೆಗಳಿಗೆ ಕುಡಿಯುವ ನೀರಿನ ಸಂಪರ್ಕಗಳನ್ನು ಪೂರೈಸಲಾಗಿದೆ ಎಂದು ಜಲಶಕ್ತಿ ಸಚಿವ ಗಜೇಂದ್ರ ಸಿಂಗ್‌ ಶೆಖಾವತ್‌ ಗುರುವಾರ ಹೇಳಿ ದ್ದಾರೆ. 2023 ಡಿಸೆಂಬರ್‌ ಹೊತ್ತಿಗೆ ಕರ್ನಾಟಕದ ಶೇ.71.73 ಗ್ರಾಮೀಣ ಭಾಗದ ಮನೆಗಳಿಗೆ ನಲ್ಲಿ ಸಂಪರ್ಕ ಕಲ್ಪಿಸಲಾಗಿದೆ.

ಒಟ್ಟು 19.27 ಕೋಟಿ ಗ್ರಾಮೀಣ ಭಾಗದ ಮನೆಗಳ ಪೈಕಿ 14.46 ಕೋಟಿ ಮನೆಗಳಿಗೆ ಇಲ್ಲಿಯವರೆಗೆ ಕುಡಿ ಯುವ ನೀರಿನ ನಲ್ಲಿಗಳ ಸಂಪರ್ಕ ಕಲ್ಪಿಸಲಾಗಿದೆ. 11 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಶೇ.100ರಷ್ಟು ಸಾಧನೆ ಮಾಡಿವೆ. ಒಟ್ಟು 15 ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಶೇ.75ರಿಂದ ಶೇ.100ವರೆಗೆ ಸಾಧನೆ ಮಾಡಿವೆ. ಹಾಗೆಯೇ, 6 ರಾಜ್ಯಗಳು ಶೇ.50ರಿಂದ 75ರವರೆಗೆ ನೀರಿನ ಸಂಪರ್ಕ ಸಾಧಿಸಿವೆ. ಆದರೆ, ರಾಜಸ್ಥಾನ, ಪಶ್ಚಿಮ ಬಂಗಾಲ ಮಾತ್ರ ಶೇ.50 ಸಾಧನೆ ಮಾಡಿವೆ. ಕೇಂದ್ರ ಸರಕಾರ 2019ರಲ್ಲಿ ಈ ಯೋಜನೆಯನ್ನು ಆರಂಭಿಸಿತು.