ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಅವರು ಬುಧವಾರ ಟ್ವಿಟರ್‌ ನಲ್ಲಿ ಭಾರತೀಯ ಒಲಿಂಪಿಕ್ ತಂಡದೊಂದಿಗೆ ತಮ್ಮ ಸಂವಾದದ ತುಣುಕನ್ನು ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ, ಟೋಕಿಯೊ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾ, ಆರ್ಚರ್ ದೀಪಿಕಾ ಕುಮಾರಿ, ಬೆಳ್ಳಿ ಪದಕ ವಿಜೇತ ಕುಸ್ತಿಪಟು ರವಿ ದಹಿಯಾ ಮತ್ತು ಫೆನ್ಸರ್ ಭವಾನಿ ದೇವಿ ಜೊತೆ ಮಾತನಾಡಿದ್ದಾರೆ.
ಕ್ರೀಡಾ ಪಟುಗಳ ಜೊತೆ ಐಸ್ ಕ್ರೀಮ್ ಮತ್ತು ಕುರ್ಮಾವನ್ನು ಸವಿದ ಪ್ರಧಾನಿ ನರೇಂದ್ರ ಮೋದಿ, ಆರೋಗ್ಯ ಮತ್ತು ಫಿಟ್ ನೆಸ್ ಬಗ್ಗೆ ಮಾತನಾಡಿದ್ದಾರೆ. ಇದೇ ವೇಳೆ ಚಿನ್ನದ ಪದಕ ವಿಜೇತ ನೀರವ್ ಚೋಪ್ರಾಗೆ ಸಲಹೆ ನೀಡಿದ ಮೋದಿ, ನೀನು ನಿನ್ನ ಗೆಲುವನ್ನು ತಲೆಗೆ ತಂದುಕೊಳ್ಳಬೇಡ, ಹಾಗೆ ಸೋಲನ್ನು ಮನಸ್ಸಿಗೆ ಹಾಕಿಕೊಳ್ಳಬೇಡ ಎಂದು ಹೇಳಿದ್ದಾರೆ.
ದೀಪಿಕಾ ಕುಮಾರಿಗೆ ಸ್ಥೈರ್ಯ ತುಂಬಿದ ಮೋದಿ ಒಲಿಂಪಿಕ್ಸ್ ನಲ್ಲಿ ಗೆಲುವು ಸಿಗಲಿಲ್ಲ ಎಂದು ನಿರಾಶೆ ತಂದುಕೊಳ್ಳಬೇಡ. ಕ್ರೀಡಾಪಟುಗಳು ಯಾವತ್ತೂ ಸ್ಪೂರ್ತಿಯನ್ನು ಕಳೆದುಕೊಳ್ಳಬಾರದು ಎಂದರು. ಕಾರ್ಯಕ್ರಮದಲ್ಲಿ ಮೋದಿ ಫೆನ್ಸರ್ ಭವಾನಿ ದೇವಿ ಅವರಿಗೆ ವಿಶೇಷ ಉಡುಗೊರೆಯನ್ನು ನೀಡಿದ್ದಾರೆ.
