ಬೆಂಗಳೂರಿನ ರಸ್ತೆಯಲ್ಲಿ  ಪುತ್ರಿಯೊಂದಿಗೆ ಹೆಜ್ಜೆ ಹಾಕಿದ ವಾರ್ನರ್‌

ಬೆಂಗಳೂರು: ಗುರುವಾರವಷ್ಟೇ ಆಸ್ಟ್ರೇಲಿಯ ತಂಡದ ಮಾಜಿ ನಾಯಕ, ವೀಕ್ಷಕ ವಿವರಣೆಗಾರ ಮೈಕಲ್‌ ಕ್ಲಾರ್ಕ್‌ ಬೆಂಗಳೂರಿನಲ್ಲಿ ಆಟೋ ರಿಕ್ಷಾ ಚಾಲನೆ ಮಾಡಿ ಸುದ್ದಿ ಮಾಡಿದ್ದರು. ಇದೀಗ ಆಸ್ಟ್ರೇಲಿಯ ತಂಡದ ಸ್ಫೋಟಕ ಬ್ಯಾಟ್ಸ್‌ಮನ್‌ ಡೇವಿಡ್‌ ವಾರ್ನರ್‌ ಸರದಿ. 

ಅವರು ತಮ್ಮ 2 ವರ್ಷದ ಮಗಳು ಇವಿ ಜತೆ ಬೆಂಗಳೂರು ರಸ್ತೆಯಲ್ಲಿ ಸ್ವಲ್ಪ ದೂರ ವಾಕಿಂಗ್‌ ದ್ದಾರೆ. ಅಷ್ಟರಲ್ಲೇ ಅವರನ್ನು ಗುರುತಿಸಿದ ಅಭಿಮಾನಿಗಳು ಮುತ್ತಿಕೊಂಡಿದ್ದಾರೆ. ಕೂಡಲೇ ವಾರ್ನರ್‌ ಮಗಳನ್ನು ಎತ್ತಿಕೊಂಡು ವಾಪಸ್‌ ಹೊಟೇಲಿಗೆ ತೆರಳಿದ್ದಾರೆ.

ಅಪ್ಪನನ್ನು ಅಭಿಮಾನಿಗಳು ಮುತ್ತಿಕೊಂಡು ಸೆಲ್ಫಿàಗೆ ಆಗ್ರಹಿಸಿದ ಕೂಡಲೇ ಮಗಳು ಇವಿ ಅಪ್ಪನ ಕೈತಪ್ಪಿಸಿಕೊಂಡು ಬೇರೆಡೆ ಓಡಿದ್ದಾಳೆ. ಅದೇ ಸಿಟ್ಟಿನಿಂದ ಬಾಯಲ್ಲಿದ್ದ ಚಾಕೋಲೇಟ್‌ ಅನ್ನು ತೆಗೆದು ಹೊರಗೆಸೆದಿದ್ದಾಳೆ. ಇದನ್ನೆಲ್ಲ ತಾಯಿ ಕ್ಯಾಂಡಿಸ್‌ ಗಮನಿಸಿ ತಮ್ಮ ಟ್ವಿಟರ್‌ನಲ್ಲಿ ಪ್ರಕಟಿಸಿದ್ದಾರೆ.

ಇತ್ತೀಚೆಗೆ ಇವಿ ಬಾಲಿವುಡ್‌ ಹಾಡಿಗೆ ನೃತ್ಯ ಮಾಡಿರುವ ವೀಡಿಯೋವನ್ನು ವಾರ್ನರ್‌ ಟ್ವೀಟರ್‌ನಲ್ಲಿ ಹಾಕಿದ್ದಕ್ಕೆ ಭಾರೀ ಮೆಚ್ಚುಗೆ ಬಂದಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.ನಗರದ ಖಾಸಗಿ ಹೊಟೇಲ್‌ನಲ್ಲಿ ಆಸ್ಟ್ರೇಲಿಯ ಆಟಗಾರರು ಉಳಿದುಕೊಂಡಿದ್ದಾರೆ.