ಪಂಜಾಬ್‌ ಪೊಲೀಸರ ಎನ್‌ಕೌಂಟರ್‌: ಪಾತಕಿ ಹತ್ಯೆ, ಇಬ್ಬರ ಸೆರೆ

ಶಿಮ್ಲಾ/ಚಂಡೀಗಢ : ಹಿಮಾಚಲ ಪ್ರದೇಶದ ಬಿಲಾಸ್‌ಪುರ ಜಿಲ್ಲೆಯಲ್ಲಿ ಪಂಜಾಬ್‌ ಪೊಲೀಸರು ನಡೆಸಿರುವ ಎನ್‌ಕೌಂಟರ್‌ನಲ್ಲಿ ಮೋಸ್ಟ್‌ ವಾಂಟೆಡ್‌ ಪಾತಕಿಯೊಬ್ಬ ಹತನಾಗಿದ್ದಾನೆ; ಆತನ ಇಬ್ಬರು ಸಹಚರರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಎನ್‌ಕೌಂಟರ್‌ನಲ್ಲಿ ಹತನಾಗಿರುವ ಪಾತಕಿಯನ್ನು ಪಂಜಾಬಿನ ಗುರುದಾಸ್‌ಪುರದ ನಿವಾಸಿಯಾಗಿರುವ ಸನ್ನಿ ಮಸೀಹ್‌ ಎಂದು ಗುರುತಿಸಲಾಗಿದೆ ಎಂದು ಬಿಲಾಸ್‌ಪುರ ಎಸ್‌ಪಿ ಅಶೋಕ್‌ ಕುಮಾರ್‌ ಹೇಳಿದ್ದಾರೆ. 

ಪಂಜಾಬಿನ ಮೊಹಾಲಿಯಲ್ಲಿ ವ್ಯಕ್ತಿಯೊಬ್ಬರಿಗೆ ಬಂದೂಕು ತೋರಿಸಿ ಜೀವ ಬೆದರಿಕೆ ಒಡ್ಡಿ ಅವರ ಕಾರನ್ನು ಐವರು ಕ್ರಿಮಿನಲ್‌ಗ‌ಳು ಸೆಳೆದೊಯ್ದರೆಂಬ ಮಾಹಿತಿ ಪಡೆದ ಪೊಲೀಸರು ಆರೋಪಿಗಳನ್ನು ಬೆನ್ನಟ್ಟಿ ನೈನಾ ದೇವಿ ಪ್ರದೇಶದ ಪಿಡಬ್ಲ್ಯುಡಿ ರೆಸ್ಟ್‌ ಹೌಸ್‌ ಸಮೀಪ ಎನ್‌ಕೌಂಟರ್‌ ನಡೆಸಿ ಪಾತಕಿ ಮಸೀಹ್‌ ನನ್ನು ಮಟಾಶ್‌ ಮಾಡಿದರು.