ಮಳೆಗೆ ಗೋಡೆ ಕುಸಿದು ಮಗು ಸೇರಿ ಮೂವರು ಬಲಿ

ರಾಯಚೂರು : ಮುಂಗಾರು ಪ್ರವೇಶಕ್ಕೂ ಮುನ್ನ ರಾಜ್ಯದ ಹಲವೆಡೆ ಮಳೆಯ ಅಬ್ಬರ ಜೋರಾಗಿದ್ದು,ರಾಯಚೂರಿನಲ್ಲಿ ಗುರುವಾರ ರಾತ್ರಿ ಸುರಿದ ಮಳೆಗೆ ಮನೆಯೊಂದರ ಗೋಡೆ ಕುಸಿದು 5 ತಿಂಗಳ ಮಗು ಸೇರಿ ಮೂವರು ದಾರುಣವಾಗಿ ಸಾವನ್ನಪ್ಪಿದ್ದಾರೆ.

ರಾಯಚೂರಿನ ಕೊತ್ತನದೊಡ್ಡಿಯಲ್ಲಿ 60 ವರ್ಷದ ಗೋವಿಂದಮ್ಮ, ಮೊಮ್ಮಕ್ಕಳಾದ5 ತಿಂಗಳ ಮಗು ಮಲ್ಲಿಕಾರ್ಜುನ ಮತ್ತು 5 ವರ್ಷದ ಶಿವಾನಿ ಮೃತ ದುರ್ದೈವಿಗಳು.

ಮನೆಯಲ್ಲಿದ್ದ ಸುಜಾತಮತ್ತು ಗುರುದೇವಿ ಅವರು ಗಂಭೀರವಾಗಿ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಇಡಪನೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸಂಸದ ಅಮರೇಶ್ವರ್‌ ನಾಯಕ್‌ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.