ಸಿಡಿಲು ಬಡಿದು ಹುಣಸೆ ಮರ ಭಸ್ಮ

ವಡಗೇರಾ: ಸಿಡಿಲು ಬಡಿದು ಹುಣಸೆ ಮರಕ್ಕೆ ಧಗಧಗ ಹೊತ್ತಿ ಉರಿದ ಘಟನೆ ತಾಲೂಕಿನ ಕುರಕುಂದ ಗ್ರಾಮದ ಹೊರವಲಯದಲ್ಲಿ ನಡೆದಿದೆ. ಬೆಳಗ್ಗೆಯಿಂದ ಭೀಕರ ಬಿಸಿಲಿನಿಂದ ತತ್ತರಿಸಿದ್ದ ಜನರಿಗೆ ಸಂಜೆ ವೇಳೆಗೆ ಗುಡುಗು ಸಹಿತ ಗಾಳಿ ಜೋರಾಗಿ ಬೀಸತೊಡಗಿತು.

ಜಂಗರೆಡ್ಡಿ ಅವರ ಹೊಲದಲ್ಲಿ ಸಿಡಿಲು ಹುಣಸೆ ಮರದ ಸುಳಿಯಲ್ಲಿ ಅಪ್ಪಳಿಸಿದ್ದರಿಂದ ಸುತ್ತಮುತ್ತಲು ಪ್ರಕಾಶಗೊಂಡ ಬೆಂಕಿ ಹತ್ತಿ ಸ್ವಲ್ಪ ಉರಿಯಿತು. ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.