ಕಾಸರಗೋಡು : ಅಂಧ ಮತದಾತರ ಸಹಾಯಕರಿಗೆ ಅನುಮತಿ

ಬದಿಯಡ್ಕ: ಮತಗಟ್ಟೆಯಲ್ಲಿ ಅಂಧ ಮತದಾತರ ಸಹಾಯಕ್ಕೆ ಬರುವ ಒಬ್ಬ ವ್ಯಕ್ತಿಗೆ ಅನುಮತಿಯಿದೆ. ಒಬ್ಬರಿಗಿಂತ ಅಧಿಕ ಮಂದಿಗೆ ಅನುಮತಿಯಿಲ್ಲ. ಸಹಾಯಕರಿಗೆ 18 ವರ್ಷ ಪ್ರಾಯ ಪೂರ್ಣಗೊಂಡಿರಬೇಕು. ಸಹಾಯಕನ ಬಲಗೈ ಹೆಬ್ಬರಳಿಗೆ ಶಾಯಿ ಗುರುತು ನಡೆಸಲಾಗುವುದು. ಜಿಲ್ಲೆಯಲ್ಲಿ 71 ಮತಗಟ್ಟೆಗಳಲ್ಲಿ ಪ್ರತ್ಯೇಕ ತರಬೇತಿ ಪಡೆಯಲಾದ ಮೈಕ್ರೋ ನಿರೀಕ್ಷಕರನ್ನು ನೇಮಿಸಲಾಗುವುದು. ಮತದಾನ ಮುಗಿಯುವವರೆಗೆ ಅವರು ಮತಗಟ್ಟೆಯಲ್ಲಿರುವರು.

ಸಮಸ್ಯಾತ್ಮಕ 43 ಬೂತ್‌ಗಳ ಚಟುವಟಿಕೆ ಚುನಾವಣೆ ನಿರೀಕ್ಷಕರ ನಿಯಂತ್ರಣದಲ್ಲಿರುವುದು. ಇಲ್ಲಿ ಆನ್‌ ಲೈನ್‌ ವೆಬ್‌ ಕೆಮರಾಗಳನ್ನು ಸ್ಥಾಪಿಸಲಾಗುವುದು. ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸಜ್ಜುಗೊಳಿಸಲಾದ ನಿಯಂತ್ರಣ ಕೊಠಡಿಯಲ್ಲಿ ನಿರೀಕ್ಷಕ ಇಲ್ಲಿನ ಚಲನವಲನಗಳನ್ನು ನಿರೀಕ್ಷಿಸುವರು. ಯಾವುದೇ ಸಮಸ್ಯೆಗಳು ಕಂಡುಬಂದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ಮುನ್ನೆಚ್ಚರಿಕೆ ನೀಡಿದ್ದಾರೆ.