ಮೀನು ಮಾರಾಟ ಮಹಿಳೆಯರಿಂದ ಮತದಾನ ಪ್ರತಿಜ್ಞೆ

ಕಾಪು: ಕಾಪು ಪುರಸಭೆ ವತಿಯಿಂದ ಇಲ್ಲಿನ ಮೀನು ಮಾರುಕಟ್ಟೆಯಲ್ಲಿ ಮೀನು ಮಾರಾಟ ಮಾಡುವ ಮಹಿಳೆಯರಲ್ಲಿ ಮತದಾನ ಜಾಗೃತಿಯ ಕುರಿತಾದ ಅಭಿಯಾನವನ್ನು ಕೈಗೊಳ್ಳಲಾಯಿತು.

ಪುರಸಭೆ ಮುಖ್ಯಾಧಿಕಾರಿ ರಾಯಪ್ಪ ಅವರು ಮತದಾನದ ಮಹತ್ವ ಮತ್ತು ಅಗತ್ಯತೆಯ ಕುರಿತಾಗಿ ಸವಿಸ್ತಾರವಾಗಿ ವಿವರಿಸಿದರು. ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಮಹಿಳೆಯರೆಲ್ಲರೂ ಸ್ವಯಂ ಪ್ರೇರಿತರಾಗಿ ಕಡ್ಡಾಯ ಮತದಾನದ ಪ್ರತಿಜ್ಞೆಯನ್ನು ಸೀÌಕರಿಸಿದರು. ಮತ್ತು ತಾವು ಮಾತ್ರವಲ್ಲದೇ ಮನೆಯ ಎಲ್ಲರಲ್ಲೂ ಮತದಾನದ ಕುರಿತಾಗಿ ಜಾಗೃತಿ ಮೂಡಿಸುವ ಭರವಸೆ ನೀಡಿದರು. ಕಾಪು ಪುರಸಭೆಯ ಸಮುದಾಯ ಸಂಘಟಕ ಬಾಲೇಶ್‌, ಫೀಲ್ಡ್‌ ಅಸಿಸ್ಟೆಂಟ್‌ ಬಾಲಕೃಷ್ಣ, ಬಿಲ್‌ ಕಲೆಕ್ಟರ್‌ ರಿತೇಶ್‌, ಉಮೇಶ್‌ ಭಾಗವಹಿಸಿದ್ದರು.