ಕಣ್ಣಾಲಿ ತುಂಬಿಸುವ ಅಪ್ಪ- ಮಗಳ ಅಳು

ಉಕ್ರೇನ್‌ ಮೇಲೆ ರಷ್ಯಾ ಆಕ್ರಮಣ ಮಾಡಿರುವ ಹೊತ್ತಿನಲ್ಲಿ ಅಂಥಹದ್ದೊಂದು ಘಟನೆ ಸಾಮಾಜಿಕ ತಾಣದಲ್ಲಿ ಅಪ್‌ಲೋಡ್‌ ಆಗಿದೆ. ಅದು ಎಲ್ಲರ ಕಣ್ಣಲ್ಲಿ ನೀರು ತರಿಸಿದೆ.

ಒಬ್ಬ ಅಪ್ಪ ತನ್ನ ಪುಟ್ಟ ಮಗಳನ್ನು ಎದೆ ಗವುಚಿಕೊಂಡು ಕಣ್ಣೀರು ಸುರಿಸುತ್ತ ಸುರಕ್ಷಿತ ವಲಯಕ್ಕೆ ಕಳುಹಿಸಿಕೊಡುವ ದೃಶ್ಯವದು.

ಅಪ್ಪನ ಅಳುವನ್ನು ನೋಡಿ ಮಗಳೂ ಬಿಕ್ಕಿಬಿಕ್ಕಿ ಅತ್ತಿದ್ದಾಳೆ. ತನ್ನ ಕುಟುಂಬವನ್ನು ಬಸ್ಸಿಗೆ ಹತ್ತಿಸಿ ಸುರಕ್ಷಿತ ಪ್ರದೇಶಕ್ಕೆ ಕಳುಹಿಸಿಕೊಟ್ಟ ಅಪ್ಪ,ತಾನು ಮಾತ್ರ ಮನೆಯಲ್ಲೇ ಉಳಿದುಕೊಂಡಿದ್ದಾರೆ.