ಕಾರಿನ ಮೇಲೆ ಲಿಪ್‌ಸ್ಟಿಕ್‌ ರಂಗೋಲಿ! ವಿಡಿಯೋ ಭಾರೀ ವೈರಲ್‌

ಮಕ್ಕಳಿರುವ ಮನೆಯ ಗೋಡೆಗಳಲ್ಲಿ ಚಿತ್ರಗಳು ಕಾಣಿಸುವುದು ಸಾಮಾನ್ಯ. ಆದರೆ ಈ ಮಗು ಮಾಡಿರುವ ಕೆಲಸ ನೋಡಿದರೆ ಮಗುವಿನ ಪೋಷಕರಿಗೆ ಒಂದು ಕ್ಷಣಕ್ಕೆ ಸಿಟ್ಟು, ದುಃಖ ಎರಡೂ ಒಟ್ಟಾಗಿ ಬರುವುದು ಗ್ಯಾರಂಟಿ.

ಏಕೆಂದರೆ ಪುಟಾಣಿ ಮಗುವು ಬಿಳಿ ಕಾರಿನ ಮೇಲೆ ಲಿಪ್‌ಸ್ಟಿಕ್‌ನಿಂದ ಮನಸೋಇಚ್ಛೆ ಗೀಚಿದೆ. ಅದಕ್ಕೆಂದೇ ಹತ್ತಾರು ಲಿಪ್‌ಸ್ಟಿಕ್‌ಗಳನ್ನೂ ಖಾಲಿ ಮಾಡಿದೆ.

ಮಗು ಈ ರೀತಿ ಕಾರಿನ ಮೇಲೆ ಚಿತ್ರ ಬರೆಯುವ ವಿಡಿಯೋವನ್ನು ಮೊರಿಸ್ಸಾ ಎನ್ನುವವರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ವಿಡಿಯೋ ಭಾರೀ ವೈರಲ್‌ ಆಗಿದ್ದು, ನೆಟ್ಟಿಗರು ಕಾರು ಹಾಗೂ ಲಿಪ್‌ಸ್ಟಿಕ್‌ ಮಾಲೀಕರ ಬಗ್ಗೆ ಅನುಕಂಪ ತೋರಿಸಲಾರಂಭಿಸಿದ್ದಾರೆ.