Advertisement
ಈಗ ಈ ಸಾಲಿಗೆ ಹೊಸ ಸೇರ್ಪಡೆ ವಿನಯ್ ರಾಜಕುಮಾರ್‌ ಚಿತ್ರ. ಹೌದು, ಪುಷ್ಕರ್‌ ಈಗ ವಿನಯ್ ರಾಜಕುಮಾರ್‌ ಜೊತೆ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಈಗಾಗಲೇ ಫೋಟೋಶೂಟ್‌ ಕೂಡಾ ನಡೆದಿದೆ. ನಾಳೆ (ಮೇ 7) ವಿನಯ್ ರಾಜಕುಮಾರ್‌ ಹುಟ್ಟುಹಬ್ಬ.
Related Articles
Advertisement
ಇದೊಂದು ಸ್ಫೋರ್ಟ್ಸ್ ಹಿನ್ನೆಲೆಯ ಸಿನಿಮಾವಾಗಿದ್ದು, ಬಾಕ್ಸಿಂಗ್‌ ಕುರಿತು ಕಥೆ ಸಾಗಲಿದೆ. ಕಥೆಯ ಆಶಯಕ್ಕೆ ತಕ್ಕಂತೆ ಫೋಟೋಶೂಟ್‌ ಕೂಡಾ ಮಾಡಿಸಲಾಗಿದೆ. ನಿರ್ಮಾಪಕ ಪುಷ್ಕರ್‌ ಕೂಡಾ ವಿನಯ್ ಜೊತೆ ಸಿನಿಮಾ ಮಾಡುತ್ತಿರುವ ಬಗ್ಗೆ ಖುಷಿಯಾಗಿದ್ದಾರೆ.
ಅದಕ್ಕೆ ಕಾರಣ ರಾಜ್‌ಕುಟುಂಬದ ನಟನೊಂದಿಗೆ ಮೊದಲ ಬಾರಿಗೆ ಸಿನಿಮಾ ಮಾಡುತ್ತಿರುವುದು ಒಂದು ಕಾರಣವಾದರೆ, ಕ್ರೀಡಾ ಹಿನ್ನೆಲೆಯ ಕಥೆ ಮತ್ತೂಂದು ಕಾರಣ. ಈ ಎರಡು ಅಂಶಗಳು ತನಗೆ ತುಂಬಾ ಹೊಸದಾಗಿರುವುದರಿಂದ ಈ ಸಿನಿಮಾ ಬಗ್ಗೆ ಎಕ್ಸೈಟ್‌ ಆಗಿರುವುದಾಗಿ ಹೇಳುತ್ತಾರೆ ಪುಷ್ಕರ್‌.
ಚಿತ್ರಕ್ಕೆ ಶೀರ್ಷಿಕೆ ಇನ್ನಷ್ಟೇ ಅಂತಿಮವಾಗಬೇಕಿದೆ. ತಮ್ಮ ಸಿನಿಮಾದ ಒಂದಲ್ಲ, ಒಂದು ವಿಭಾಗದಲ್ಲಿ ಹೊಸಬರಿಗೆ ಅವಕಾಶ ನೀಡುತ್ತಾ ಬರುತ್ತಿರುವ ಪುಷ್ಕರ್‌ ಈ ಬಾರಿ ಕರಮ್‌ಗೆ ಮೊದಲ ಬಾರಿಗೆ ನಿರ್ದೇಶನದ ಅವಕಾಶ ನೀಡಿದ್ದಾರೆ.
ಚಿತ್ರದಲ್ಲಿ ವಿನಯ್ ಎರಡು ಶೇಡ್‌ನ‌ಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಅದಕ್ಕಾಗಿ ಸಾಕಷ್ಟು ವಕೌìಟ್‌ ಕೂಡಾ ಮಾಡಲಿದ್ದಾರೆ. ಜೂನ್‌ನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ನಾಯಕಿ ಸೇರಿದಂತೆ ಇತರ ಅಂಶಗಳು ಇನ್ನಷ್ಟೇ ಅಂತಿಮವಾಗಬೇಕಿದೆ.