ಡಿಸಿಸಿ ಬ್ಯಾಂಕ್‌ ಸಹಾಯ ಹಸ್ತ

ವಿಜಯಪುರ: ವಿಜಯಪುರ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ ಮುಖ್ಯಮಂತ್ರಿಗಳ ಕೋವಿಡ್‌ ಪರಿಹಾರ ನಿಧಿಗೆ 1 ಕೋಟಿ ರೂ. ದೇಣಿಗೆ ಚೆಕ್‌ ಹಸ್ತಾಂತರಿಸಿದೆ.

ಶನಿವಾರ ಬೆಂಗಳೂರಿನಲ್ಲಿ ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿದ ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷರೂ ಆಗಿರುವ ಬಸವನಬಾಗೇವಾಡಿ ಶಾಸಕ ಶಿವಾನಂದ ಪಾಟೀಲ, ಡಿಸಿಸಿ ಬ್ಯಾಂಕ್‌ನ 1 ಕೋಟಿ ರೂ. ದೇಣಿಗೆ ಚೆ‌ಕ್‌ ಹಸ್ತಾಂತರಿಸಿದರು. ಇದಲ್ಲದೇ ಹಾಗೂ ಜಿಲ್ಲೆಯ ಇತರೆ ಸಹಕಾರ ಸಂಘಗಳು ಸಂಗ್ರಹಿಸಿದ 40 ಲಕ್ಷ ರೂ. ದೇಣಿಗೆ ಹಣದ ಚೆಕ್‌ ಅನ್ನೂ ನೀಡಿದರು.ಸಹಕಾರ ಸಚಿವ ಎಸ್‌.ಟಿ. ಸೋಮಶೇಖರ ಇದ್ದರು.