ವಿಜಯಪುರ: ಖೋಟಾ ನೋಟು ಮುದ್ರಣ: ಮೂವರ ಬಂಧನ

ವಿಜಯಪುರ: ಖೋಟಾ ನೋಟು ತಯಾರಿಸುತ್ತಿದ್ದ ಘಟಕದ ವೇಲೆ ಪೊಲೀಸರು ದಾಳಿ  ನಡೆಸಿ ಮೂವರನ್ನು ಬಂಧಿಸಿರುವ ಘಟನೆ ವರದಿಯಾಗಿದೆ.

ಹಾಜಿ ಮಸ್ತಾನ್‌ ಇಮಾಮ್‌ಸಾಬ್ ವಾಲಿಕಾರ(23), ಆಸೀಫ್‌ ಸಿರಾಜ್ ಮಳ್ಳಿ(27), ಮೆಹಬೂಬ ಗುಲಾಬ್‌ಸಾಬ ವಾಲಿಕಾರ(23)  ಬಂಧಿತ ಆರೋಪಿಗಳು. ನಗರದ ದರ್ಗಾ ಪ್ರದೇಶದ ಬಳಿ ಡಿಸಿಐಬಿ ಇನ್ಸ್‌ಪೆಕ್ಟರ್ ಎಲ್‌.ಟಿ ಚಂದ್ರಕಾಂತ ನೇತೃತ್ವದಲ್ಲಿ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದರು. 

200, 500 ಹಾಗೂ 2000 ರೂ. ಮುಖಬೆಲೆಯ 67,200 ರೂ. ಖೋಟಾ ನೋಟನ್ನು ವಶಪಡಿಸಿಕೊಂಡಿದ್ದು, ನೋಟು‌ ತಯಾರಿಸುವ 2 ಯಂತ್ರ, 38 ಬಂಡಲ್‌ ಖೋಟಾ ನೋಟು ಮುದ್ರಿಸುವ ಪೇಪರ್‌ನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.