Vijayakanth’s Last Rites; ಖ್ಯಾತ ನಟ ದಳಪತಿ ವಿಜಯ್‌ ಮೇಲೆ ಚಪ್ಪಲಿ ಎಸೆದು ಹಲ್ಲೆಗೆ ಯತ್ನ

ಚೆನ್ನೈ: ತಮಿಳುನಾಡಿನ ಖ್ಯಾತ ನಟ, ರಾಜಕಾರಣಿ ವಿಜಯಕಾಂತ್‌ ಅವರ ಅಂತಿಮ ಸಂಸ್ಕಾರಕ್ಕೆ ತರಳಿದ್ದ ನಟ ದಳಪತಿ ವಿಜಯ್‌ ಅವರ ಮೇಲೆ ದುಷ್ಕರ್ಮಿಗಳು ಚಪ್ಪಲಿ ಎಸೆದು ಹಲ್ಲೆ ನಡೆಸಲು ಮುಂದಾದ ಘಟನೆ ವರದಿಯಾಗಿದೆ.

ವಿಜಯಕಾಂತ್‌ ಅವರ ಅಂತಿಮ ದರ್ಶನ ಪಡೆಯ ಲೆಂದು ಶನಿವಾರ ನಟ ದಳಪತಿ ವಿಜಯ್‌ ತೆರಳಿದ್ದರು. ಅಂತಿಮ ನಮನ ಸಲ್ಲಿಸಿ ಕುಟುಂಬ ದವರಿಗೂ ಸಾಂತ್ವನ ಕೂಡ ಹೇಳಿದರು. ಬಳಿಕ ನಟ ಹೊರಬರುತ್ತಿದ್ದಂತೆ ವಿಜಯ್‌ಕಾಂತ್‌ ಅವರ ಅಭಿಮಾನಿಗಳ ಗುಂಪೊಂದು ಇದ್ದಕ್ಕಿದ್ದಂತೆ ನಟ ವಿಜಯ್‌ ಮೇಲೆ ಹಲ್ಲೆ ನಡೆಸಲು ಮುಂದಾಗಿದ್ದು, ಪೊಲೀಸರು ಅದನ್ನು ತಪ್ಪಿಸಿದ್ದಾರೆ. ಆದಾಗ್ಯೂ, ಓರ್ವ ದುಷ್ಕರ್ಮಿ ವಿಜಯ್‌ ಅವರತ್ತ ಚಪ್ಪಲಿ ಎಸೆದಿದ್ದಾನೆ. ಈ ವೀಡಿಯೋ ಜಾಲತಾಣದಲ್ಲೂ ವೈರಲ್‌ ಆಗಿದೆ.