Advertisement
ಕೋಲ್ಕತಾದ “ಈಡನ್‌ ಗಾರ್ಡನ್ಸ್‌’ನಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಕರ್ನಾಟಕ ದೊಡ್ಡ ಮೊತ್ತವೇನೂ ಪೇರಿಸಲಿಲ್ಲ. 47.1 ಓವರ್‌ಗಳಲ್ಲಿ ಕೇವಲ 201 ರನ್ನಿಗೆ ಆಲೌಟ್‌ ಆಯಿತು. ಈ ಗುರಿ ಬೆನ್ನು ಹತ್ತಿದ ಸೌರಾಷ್ಟ್ರ ಬ್ಯಾಟ್ಸ್‌ಮನ್‌ಗಳು ಕರ್ನಾಟಕ ಬೌಲರ್‌ಗಳ ಮಾರಕ ದಾಳಿಗೆ ಸಾಲು ಸಾಲಾಗಿ ಉದುರತೊಡಗಿದರು. 27 ರನ್‌ ಆಗುವಷ್ಟರಲ್ಲಿಯೇ 5 ವಿಕೆಟ್‌ ಕಳೆದುಕೊಂಡು ಭಾರೀ ಅಂತರದ ಸೋಲಿನ ಸೂಚನೆ ನೀಡಿದರು. ಆದರೆ ಜಯದೇವ್‌ ಶಾ (38), ಚಿರಾಜ್‌ ಜಾನಿ (ಅಜೇಯ 25) ತಂಡಕ್ಕೆ ಅಲ್ಪ ಚೇತರಿಕೆ ನೀಡಿದರು. ಅನಂತರ ಶೌರ್ಯ ಸನದಿಯ (31) ಹೊರತು ಪಡಿಸಿ ಉಳಿದ ಬ್ಯಾಟ್ಸ್‌ಮನ್‌ಗಳು ಎರಡಂಕಿಯ ಮೊತ್ತ ದಾಟಲಿಲ್ಲ.
ಮೊದಲು ಬ್ಯಾಟಿಂಗ್‌ ಮಾಡಲಿಳಿದ ಕರ್ನಾಟಕ 2ನೇ ಎಸೆತದಲ್ಲಿಯೇ ರಾಬಿನ್‌ ಉತ್ತಪ್ಪ ವಿಕೆಟ್‌ ಕಳೆದುಕೊಂಡಿತು. ಉತ್ತಪ್ಪ ಖಾತೆಯನ್ನೇ ತೆರೆದಿರಲಿಲ್ಲ. ಅನಂತರವೂ ಕರ್ನಾಟಕ ಒಂದು ಕಡೆಯಿಂದ ವಿಕೆಟ್‌ ಕಳೆದುಕೊಳ್ಳುತ್ತಾ ಸಾಗಿತು. ಆದರೆ ಮತ್ತೂಂಡೆದೆ ಆರಂಭಿಕ ಬ್ಯಾಟ್ಸ್‌ಮನ್‌ ಮಾಯಾಂಕ್‌ ಅಗರ್ವಾಲ್‌ ಕ್ರೀಸ್‌ಗೆ ಅಂಟಿಕೊಂಡು ನಿಂತರು. 114 ಎಸೆತ ಎದುರಿಸಿದ ಅಗರ್ವಾಲ್‌ ಒಂದು ಸಿಕ್ಸರ್‌, 5 ಬೌಂಡರಿ ಸೇರಿದಂತೆ 89 ರನ್‌ ಬಾರಿಸಿದರು.
Related Articles
Advertisement