ಮುಂಬಯಿ: ಟಾಲಿವುಡ್‌ ನಟ ವಿಜಯ್ ದೇವರಕೊಂಡ ಹಾಗೂ ನಟಿ ರಶ್ಮಿಕಾ ಮಂದಣ್ಣ ಇಬ್ಬರು ಪರಸ್ಪರ ಡೇಟಿಂಗ್‌ ನಲ್ಲಿದ್ದಾರೆ ಎನ್ನುವ ಮಾತು ಫ್ಯಾನ್ಸ್‌ ವಲಯದಲ್ಲಿ ಕಳೆದ ಕೆಲ ಸಮಯದಿಂದ ಗಾಸಿಪ್‌ ಆಗಿ ಹರಿದಾಡುತ್ತಿದೆ.
ಈ ಗಾಸಿಪ್‌ ಗಳಿಗೆ ಇತ್ತೀಚೆಗಿನ ಫೋಟೋಗಳು ಸೇರಿದ್ದು, ಡೇಟಿಂಗ್‌ ವದಂತಿಯನ್ನು ಮತ್ತಷ್ಟು ಹೆಚ್ಚಿಸಿದೆ. ನಟ ವಿಜಯ್ ದೇವರಕೊಂಡ ಹೊಸ ವರ್ಷಕ್ಕೆ ವಿದೇಶಕ್ಕೆ ತೆರಳಿದ್ದಾರೆ. ಅಲ್ಲಿ ಹೊಸ ವರ್ಷವನ್ನು ಸೆಲೆಬ್ರೆಟ್‌ ಮಾಡಿಕೊಂಡ ಸಿಮ್ಮಿಂಗ್‌ ಪೂಲ್‌ ನಲ್ಲಿರುವ ಫೋಟೋವನ್ನು ಹಂಚಿಕೊಂಡು ಅಭಿಮಾನಿಗಳಿಗೆ ಹ್ಯಾಪಿ ನ್ಯೂಯರ್‌ ಎಂದಿದ್ದಾರೆ. ಇದರೊಂದಿಗೆ ಅತ್ತ ನಟಿ ರಶ್ಮಿಕಾ ಅವರು ಕೂಡ ವಿದೇಶದಲ್ಲಿ ನ್ಯೂ ಇಯರ್ ಆಚರಣೆ ಮಾಡಿಕೊಂಡಿದ್ದು ಹಾಟ್‌ ಫೋಟೋವೊಂದನ್ನು ಹಾಕಿ ಹೊಸ ವರ್ಷದ ಶುಭಾಶಯವನ್ನು ಕೋರಿದ್ದಾರೆ.
ಇಬ್ಬರು ತಮ್ಮ ಫೋಟೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಅಪ್ಲೋಡ್‌ ಮಾಡಿದ್ದಾರೆ. ಅಭಿಮಾನಿಗಳು ಇಬ್ಬರು ಮಾಲ್ಡೀವ್ಸ್ ನಲ್ಲಿ ಜೊತೆಯಾಗಿ ಟೈಮ್‌ ಸ್ಪೆಂಡ್‌ ಮಾಡುತ್ತಿದ್ದಾರೆ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ.
ರಶ್ಮಿಕಾ ಇದಕ್ಕೂ ಮುಂಚೆ ʼಲೈಗರ್‌ʼ ಸಿನಿಮಾದ ವೇಳೆ ಇದೇ ಜಾಗದಲ್ಲಿ ಫೋಟೋವನ್ನು ಹಾಕಿಕೊಂಡಿದ್ದರು. ವಿಜಯ್ ಅವರು ಇರುವ ಸ್ಥಳವೂ ಹಾಗೆಯೇ ಇದೆ. ಇಬ್ಬರು ಜೊತೆಯಾಗಿ ಹಾಲಿಡೇಯನ್ನು ಕಳೆದಿದ್ದಾರೆ ಎಂದು ನೆಟ್ಟಿಗರು ಕಮೆಂಟ್‌ ಮಾಡಿದ್ದಾರೆ.
ವಿಜಯ್ ಸ್ದಯ ʼ ಜನಗನಮನʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದು, ರಶ್ಮಿಕಾʼ ಮಿಷನ್‌ ಮಜ್ನುʼ, ʼಪುಷ್ಪಾ-2ʼ, ʼಆನಿಮಲ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
