ಕರೆಂಟ್‌ ಬಿಲ್‌ ರೇಟ್‌ ಕಮ್ಮಿ ಮಾಡೋದಿಕ್ಕೆ ವಿದ್ಯಾ ಬಾಲನ್‌ ಟಿಪ್ಸ್‌ ಕೊಟ್ಟಿದ್ದಾರೆ ನೋಡಿ

ಮುಂಬೈ: ಬಾಲಿವುಡ್‌ನ ಮೋಹಕ ತಾರೆ ವಿದ್ಯಾ ಬಾಲನ್‌ ಅವರು ತಮ್ಮ ಇನ್ಸ್ಟಾಗ್ರಾಮ್‌ ಖಾತೆಯಲ್ಲಿ ಮಾಡಿದ ರೀಲ್ಸ್‌ ಒಂದು ಭರ್ಜರಿ ಸೌಂಡ್‌ ಮಾಡಿದೆ. ಅದರಲ್ಲಿ ತಮ್ಮ ಕರೆಂಟ್‌ ಬಿಲ್‌ ವೆಚ್ಚ ಹೇಗೆ ಕಮ್ಮಿ ಮಾಡಿಕೊಂಡಿದ್ದಾರೆ ಅನ್ನೋದನ್ನು ಪಂಜಾಬಿ ಹಾಡಿಗೆ ನೃತ್ಯ ಮಾಡುವ ಮೂಲಕ ತೋರಿಸಿದ್ದಾರೆ. ಈ ರೀಲ್ಸ್‌ ಎಲ್ಲರಿಗೂ ಕರೆಂಟ್‌ ಉಪಯೋಗವನ್ನೂ, ಅದಕ್ಕಾಗಿ ದುಂದು ವೆಚ್ಚವನ್ನು ತೆರುವುದನ್ನೂ ಕಡಿಮೆ ಮಾಡಿ ಅನ್ನುವ ಸಣ್ಣ ಸಂದೇಶವನ್ನೂ ನೀಡಿದಂತಿದೆ.

ಅವರ ಇನ್ಸ್ಟಾ ರೀಲ್ಸ್‌ನಲ್ಲಿ ಅವರು ನೀಡಿದ ಸರಳ ಉಪಾಯ ಫುಲ್‌ ವೈರಲ್‌ ಆಗಿದೆ. ಅವರ ಈ ರೀಲ್ಸ್‌ನಲ್ಲಿ ವ್ಯಕ್ತಿಯೊಬ್ಬ ತನ್ನ ಕರೆಂಟ್‌ ಬಿಲ್‌ 35,000 ರೂ ಆದ್ರೆ ನಿನ್ನ ಬಿಲ್‌ ಕೇವಲ 5,000 ರೂ. ಇದು ಹೇಗೆ ಸಾಧ್ಯ ಅಂತ ಪ್ರಶ್ನಿಸಿದ್ದಾನೆ. ಆಗ ಅದಕ್ಕೆ ʻಬಟಿಯಾನ್‌ ಬುಜೈ ರಖ್ಡಿ ವೇʼ ಅನ್ನುವ ಪಂಜಾಬಿ ಹಾಡಿಗೆ ಡ್ಯಾನ್ಸ್‌ ಮಾಡುವ ಮೂಲಕ ಸಿಂಪಲ್‌ ಆಗಿ ಉತ್ತರ ನೀಡಿದ್ದಾರೆ. ಅಂದ ಹಾಗೆ ಈ ಹಾಡು ಉಪಯೋಗವಿಲ್ಲದ ವೇಳೆ ಲೈಟ್‌ ಆಫ್‌ ಮಾಡಿ ಕರೆಂಟ್‌ ಉಳಿಸುವ ಬಗ್ಗೆ ಹೇಳುತ್ತದೆ.