ಹೈದರಾಬಾದ್: ವಾಹನದಲ್ಲಿ ಪೆಟ್ರೋಲ್‌ ಖಾಲಿಯಾದರೂ ಕೆಳಗೆ ಇಳಿಯಲು ಗ್ರಾಹಕ ನಿರಾಕರಿಸಿದ ಕಾರಣ ಬೈಕ್ ಟ್ಯಾಕ್ಸಿ ಚಾಲಕನೊಬ್ಬ ಗಾಡಿಯನ್ನು ದೂಡಿಕೊಂಡು ಹೋಗಿರುವ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವ್ಯಕ್ತಿಯೊಬ್ಬ ರ‍್ಯಾಪಿಡೋ ಬೈಕ್ ಟ್ಯಾಕ್ಸಿ ಬುಕ್‌ ಮಾಡಿದ್ದಾನೆ. ಗ್ರಾಹಕ ಬೈಕ್ ನಲ್ಲಿ ಕೂತು ಕೆಲ ದೂರ ಹೋದ ಬಳಿಕ ಬೈಕ್ ಟ್ಯಾಕ್ಸಿಯ ಪೆಟ್ರೋಲ್‌ ಖಾಲಿ ಆಗಿದೆ. ಇದರ ಬಗ್ಗೆ ಚಾಲಕ ಗ್ರಾಹಕನಿಗೆ ಮಾಹಿತಿ ನೀಡಿದ್ದಾರೆ. ಆದರೆ ಗ್ರಾಹಕ ಚಾಲಕನ ಮಾತು ಕೇಳಿಯೂ ಬೈಕ್ ನಿಂದ ಇಳಿಯದೆ ಅದರಲ್ಲೇ ಕೂತಿದ್ದಾನೆ.
ಇದರಿಂದ ಬೈಕ್ ಟ್ಯಾಕ್ಸಿಯ ಚಾಲಕ ಬೇರೆ ವಿಧಿಯಿಲ್ಲದೆ, ಗ್ರಾಹಕನನ್ನು ಬೈಕ್ ನಲ್ಲೇ ಕೂರಿಸಿ ವಾಹನವನ್ನು ಪೆಟ್ರೋಲ್‌ ಬಂಕ್‌ ವರೆಗೆ ದೂಡಿಕೊಂಡು ಹೋಗಿದ್ದಾನೆ.
ಈ ಘಟನೆಯ ವಿಡಿಯೋ ಮೊಬೈಲ್‌ ನಲ್ಲಿ ಸೆರೆಯಾಗಿದ್ದು, ಸೋಶಿಉಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
