Advertisement
ಉಕ್ರೇನ್ ಅಧ್ಯಕ್ಷ ಝೆಲೆನ್‌ಸ್ಕಿ, ಕಳೆದ ಒಂದು ವರ್ಷದಿಂದ ರಷ್ಯಾ ವಿರುದ್ಧದ ಹೋರಾಟದಲ್ಲಿ ತೊಡಗಿರುವ ಉಕ್ರೇನ್ ಯೋಧರ ಧೈರ್ಯ ಹಾಗೂ ನಾಗರಿಕರ ಸಹಕಾರಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. “ಕಳೆದ ವರ್ಷ ಫೆ.24ರಂದು ಉಕ್ರೇನ್ ನಾಗರಿಕರಾದ ನಾವೆಲ್ಲರೂ ನಮ್ಮ ರಾಷ್ಟ್ರ ಧ್ವಜವನ್ನು ಎತ್ತಿಹಿಡಿಯುವ ಸಂಕಲ್ಪ ಮಾಡಿದೆವು. ಓಡಿ ಹೋಗದೇ, ನಿಂತು ಎದುರಿಸಿದೆವು. ವಿರೋಧಿಸಿದೆವು ಮತ್ತು ಹೋರಾ ಡಿದೆವು. ಇದು ನೋವು, ದುಃಖ, ನಂಬಿಕೆ ಮತ್ತು ಏಕತೆಯ ವರ್ಷವಾಗಿತ್ತು. ಈ ವರ್ಷ ನಾವು ಅಜೇಯರಾಗಿ ಉಳಿದೆವು. 2023ರಲ್ಲಿ ನಾವು ಈ ಯುದ್ಧದಲ್ಲಿ ಜಯಶೀಲರಾಗಲಿದ್ದೇವೆ,’ ಎಂದು ಅವರು ಆತ್ಮವಿಶ್ವಾಸ ವ್ಯಕ್ತಪಡಿಸಿದರು.
Related Articles
ಉಕ್ರೇನ್-ರಷ್ಯಾ ಯುದ್ಧಕ್ಕೆ ಒಂದು ವರ್ಷದ ಸಂದರ್ಭದಲ್ಲೇ ವಿಶ್ವಸಂಸ್ಥೆಯಲ್ಲಿ ಭಾರತ, ಮಹಾತ್ಮ ಗಾಂಧಿ ಅವರು ಕುರಿತು “ಗಾಂಧಿಯನ್‌ ಟ್ರಸ್ಟಿಶಿಪ್‌: ಮಿಷನ್‌ ಲೈಫ್ ಆ್ಯಂಡ್‌ ಹ್ಯೂಮನ್‌ ಫ್ಲೋರಿಶಿಂಗ್‌’ ಎಂಬ ಉನ್ನತ ಮಟ್ಟದ ಸಂವಾದ ಏರ್ಪಡಿಸಿತ್ತು. ಇಂದಿನ ದಿನದಲ್ಲಿ ರಾಷ್ಟ್ರಗಳು ಮಹಾತ್ಮ ಗಾಂಧಿ ಅವರ ಶಾಂತಿ, ನಂಬಿಕೆಯ ಉನ್ನತ ಆರ್ದಶಗಳನ್ನು ಪಾಲಿಸಬೇಕು ಎಂಬ ಸಂದೇಶ ಸಾರಲಾಯಿತು. ಇನ್ನೊಂದೆಡೆ, ಉಕ್ರೇನ್ ಯುದ್ಧ ಖಂಡಿಸಿ, ರಷ್ಯಾ ವಿರುದ್ಧ ವಿಶ್ವಸಂಸ್ಥೆಯಲ್ಲಿ ನಿರ್ಣಯ ಕೈಗೊಳ್ಳಲಾಯಿತು. ಈ ವೇಳೆ ಭಾರತ ಹಿಂದಿನಂತೆ ತಟಸ್ಥವಾಗಿ ಉಳಿಯಿತು.
Advertisement
ಭಾರತ ಮೂಲದ ಬಾಲಕ ಸಹಾಯಹಸ್ತರಷ್ಯಾ ಯುದ್ಧದಿಂದಾಗಿ ಸಾವಿರಾರು ಉಕ್ರೇನ್ ನಿರಾಶ್ರಿತರು ಪೋಲೆಂಡ್‌ಗೆ ತೆರಳಿ ಅಲ್ಲಿ ನೆಲೆಸಿದ್ದಾರೆ. ಇವರ ಸಹಾಯಕ್ಕಾಗಿ ಭಾರತ ಮೂಲದ 10 ವರ್ಷದ ಬಾಲಕ, ತನ್ನ ಪೋಷಕರೊಂದಿಗೆ ಪೋಲೆಂಡ್‌ಗೆ ಭೇಟಿ ನೀಡಿ, ಅಲ್ಲಿರುವ ಉಕ್ರೇನ್ ಮಕ್ಕಳಿಗೆ ಪುಸ್ತಕಗಳು ಹಾಗೂ ಇತೆರೆ ಸ್ಟೇಷನರಿ ವಸ್ತುಗಳನ್ನು ತಲುಪಿಸಿದ್ದಾನೆ. ಇಂಗ್ಲೆಂಡ್‌ನ ಬೋಲ್ಟನ್‌ ನಿವಾಸಿಯಾಗಿರುವ ಮಿಲನ್‌ ಪೌಲ್‌ ಕುಮಾರ್‌ ಇದಕ್ಕಾಗಿ ಸಾರ್ವಜನಿಕರಿಂದ ಪುಸ್ತಕಗಳನ್ನು ಸಂಗ್ರಹಿಸಿ, ಪೋಲೆಂಡ್‌ನ ಕ್ರಾಕೋವ್‌ ನಗರಕ್ಕೆ ಬಂದು ಹಂಚಿದ್ದಾನೆ.