ಮಿನಿ ಬಸ್ಸಿನ ಮೇಲೆ ಹಿಮ ಬಂಡೆ ಉರುಳಿ ಬಿದ್ದು ಐವರ ಸಾವು

ಭದೇರ್‌ವಾಹ್‌ : ಜಮ್ಮು ಕಾಶ್ಮೀರದ ದೋಡಾ ಜಿಲ್ಲೆಯಲ್ಲಿನ ಭದೇರ್‌ವಾಹ್‌-ಬಶೋಲಿ ಹೈವೇಯಲ್ಲಿ ಸಾಗುತ್ತಿದ್ದ  ಮಿನಿ ಬಸ್‌ ಮೇಲೆ ಹಿಮ ಬಂಡೆ ಉರುಳಿ ಬಿದ್ದ ಭೀಕರ ಅವಘಡದಲ್ಲಿ ಐವರು ಮೃತಪಟ್ಟು ಇತರ ಏಳು ಮಂದಿ ಗಾಯಗೊಂಡ ಘಟನೆ ವರದಿಯಾಗಿದೆ. 

ಮಿನಿ ಬಸ್ಸು  ಬಾನಿ ಎಂಬಲ್ಲಿಂದ ಭದೇರ್‌ವಾಹ್‌ಗೆ ತೆರಳುತ್ತಿದ್ದ ವೇಳೆ ಅದರ ಮೇಲೆ ಹಿಮ ಬಂಡೆ ಉರುಳಿ ಬಿತ್ತು. ಪರಿಣಾಮವಾಗಿ ಬಸ್ಸು 1,500 ಅಡಿ ಆಳದ ಕಂದಕಕ್ಕೆ ಉರುಳಿ ಬಿತ್ತು ಎಂದು ಭದೇರ್‌ವಾಹ್‌ನಿಂದ 38 Km. ದೂರದ ಛತ್ತರ್‌ ಗಾಲಿ ಎಂಬಲ್ಲಿಗೆ ಸಮೀಪ ರಸ್ತೆಯಲ್ಲಿನ ಹಿಮ ಮತ್ತು ಅವಶೇಷಗಳನ್ನು ತೆರವುಗೊಳಿಸುತ್ತಿದ್ದ ಬಿಆರ್‌ಓ ಕಾರ್ಮಿಕರು ತಿಳಿಸಿದ್ದಾರೆ. 

ಮಿನಿ ಬಸ್ಸಿನಲ್ಲಿ ಒಟ್ಟು 12 ಮಂದಿ ಪ್ರಯಾಣಿಕರಿದ್ದರು.