ಮುಹೂರ್ತ ಸಮಾರಂಭ ಗೊತ್ತು. ಆಡಿಯೋ ಬಿಡುಗಡೆ, ಟೀಸರ್‌ ಬಿಡುಗಡೆ, ಟ್ರೇಲರ್‌ ಬಿಡುಗಡೆ ಇವೆಲ್ಲವೂ ಗೊತ್ತು. ಆದರೆ, ಈ ಪ್ರೀ-ರಿಲೀಸ್ ಇವೆಂಟ್‌ ಅಂದರೆ ಏನು ಗೊತ್ತಾ? ಗೊತ್ತಿಲ್ಲದಿದ್ದರೆ ಕೇಳಿ. ಚಿತ್ರ ಬಿಡುಗಡೆಗೂ ಮುನ್ನ ಒಂದು ಸಮಾರಂಭ ಮಾಡಿ, ಆ ಸಮಾರಂಭದಲ್ಲಿ ಚಿತ್ರ ಯಾವ ದಿನ ಬಿಡುಗಡೆಯಾಗುತ್ತದೆ ಎಂದು ಅಧಿಕೃತವಾಗಿ ಘೋಷಿಸಲಾಗುತ್ತದೆ. ಇದುವರೆಗೂ ಎಲ್ಲರೂ ಪತ್ರಿಕಾಗೋಷ್ಠಿ ಮಾಡಿ, ತಮ್ಮ ಚಿತ್ರ ಯಾವತ್ತು ಬಿಡುಗಡೆಯಾಗುತ್ತದೆ ಎಂದು ಹೇಳುತ್ತಿದ್ದರು. ಆದರೆ, ಅನೀಶ್‌ ತೇಜೇಶ್ವರ್‌, ಅಂಬೇಡ್ಕರ್‌ ಭವನದಲ್ಲಿ ಒಂದು ಸಮಾರಂಭ ಮಾಡಿ, ಅಲ್ಲಿ ತಮ್ಮ ಹೊಸ ಚಿತ್ರ “ವಾಸು – ಪಕ್ಕಾ ಕಮರ್ಷಿಯಲ್‌’ ಆಗಸ್ಟ್‌ 3ರಂದು ಬಿಡುಗಡೆಯಾಗುತ್ತಿದೆ ಎಂದು ಅಧಿಕೃತವಾಗಿ ಘೋಷಿಸಿದರು. ಅಷ್ಟೇ ಅಲ್ಲ, ದರ್ಶನ್‌ ಅವರನ್ನು ಮುಖ್ಯ ಅತಿಥಿಯಾಗಿ ಕರೆದು, ಅವರಿಂದ ಘೋಷಿಸಲಾಯಿತು.
Advertisement
ಅಂದು ಮೊದಲ ಒಂದು ಗಂಟೆ ಹಾಡು, ಡ್ಯಾನ್ಸು, ಟ್ರೇಲರ್‌ ಎಂದೆಲ್ಲಾ ಸಂಭ್ರಮವಿತ್ತು. ನಟಿಯರಾದ ಅನೂಷಾ ರಂಗನಾಥ್‌, ಕೃಷಿ ತಾಪಂಡ, ಅನಿತಾ ಭಟ್‌ ಮುಂತಾದವರು ವೇದಿಕೆಗೆ ಬಂದು ಚಿತ್ರದ ಹಾಡುಗಳಿಗೆ ಹೆಜ್ಜೆ ಹಾಕಿ ಹೋದರು. ಯುವ ಪ್ರತಿಭೆ ಯಶವಂತ್‌, ಯೋಗಾಸನದ ವಿವಿಧ ಭಂಗಿಗಳನ್ನು ತೋರಿಸಿ ಪ್ರೇಕ್ಷಕರನ್ನು ಖುಷಿಪಡಿಸಿದರು. ಆ ನಂತರ ದರ್ಶನ್‌ ಬಂದರು. ಅದಕ್ಕೂ ಮುನ್ನ ರಿಷಭ್‌ ಶೆಟ್ಟಿ, ಪ್ರಮೋದ್‌ ಶೆಟ್ಟಿ ಮುಂತಾದವರು ಬಂದಿದ್ದರು. ಎಲ್ಲರೂ ವೇದಿಕೆ ಮೇಲೆ ಆಗಸ್ಟ್‌ ಮೂರರಂದು ಬಿಡುಗಡೆ ಇರುವ ಪೋಸ್ಟರ್‌ನ್ನು ಬಿಡುಗಡೆ ಮಾಡಿದರು.
ಖುಷಿಪಟ್ಟರು.