ನಗರದ ಹಲವೆಡೆ ನೀರು ಸರಬರಾಜಿನಲ್ಲಿ ವ್ಯತ್ಯಯ

ಲಾಲ್‌ಬಾಗ್‌: ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ನೀರು ಸರಬರಾಜು ವ್ಯವಸ್ಥೆಯ ತುಂಬೆ ರೇಚಕ ಸ್ಥಾವರದಿಂದ ಹಿಲ್‌ಟಾಪ್‌ ಟ್ಯಾಂಕ್‌ಗೆ ಪಂಪಿಂಗ್‌ ಮಾಡುವ ಮುಖ್ಯ ಕೊಳವೆಯಲ್ಲಿ ಸೋರಿಕೆ ಉಂಟಾಗಿದ್ದ ಪರಿಣಾಮ ನಗರದ ಹಲವು ಭಾಗಗಳಲ್ಲಿ ಬುಧವಾರ ನೀರು ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಿತ್ತು.

ಈ ಸೋರಿಕೆಯನ್ನು ತುರ್ತಾಗಿ ಸರಿಪಡಿಸುವ ಕಾಮಗಾರಿ ಬುಧವಾರ ಬೆಳಗ್ಗೆ 6ರಿಂದ ಮಾ. 24ರ ಬೆಳಗ್ಗೆ 6ರ ವರೆಗೆ ನಡೆಯಲಿದ್ದು, ಈ ಹಿನ್ನೆಲೆಯಲ್ಲಿ ಸುರತ್ಕಲ್‌, ಕಾಟಿಪಳ್ಳ, ಎನ್‌ಐಟಿಕೆ, ಎಂಸಿಎಫ್‌, ಕೂಳೂರು, ಕಾವೂರು ಭಾಗಶಃ, ಕೋಡಿಕಲ್‌ ಭಾಗಶಃ, ಪಿವಿಎಸ್‌, ಲೇಡಿಹಿಲ್‌, ಬಂದರ್‌ ಇತ್ಯಾದಿ ಪ್ರದೇಶಗಳಿಗೆ ಈ ಸಮಯದಲ್ಲಿ ಸಂಪೂರ್ಣ ನೀರು ಸರಬರಾಜು ನಿಲುಗಡೆ ಮಾಡಲಾಗಿತ್ತು.