ಕನ್ನಡದಲ್ಲೂ ಬರಲಿದೆ ವಾಲಟ್ಟಿ

ಸಾಕು ನಾಯಿಗಳ ಕುರಿತಾದ ವಾಲಟ್ಟಿ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಸಾಕು ನಾಯಿಗಳ ಬಗ್ಗೆ ತಯಾರಾಗಿರುವ ಈ ಚಿತ್ರದಲ್ಲಿ ಹೃದಯ ಬೆಚ್ಚಗಾಗಿಸುವ ಎಲಿಮೆಂಟ್ಸ್ ತುಂಬಿವೆ.

ಈ ಸಿನಿಮಾದ ಮತ್ತೂಂದು ವಿಶೇಷವೆಂದರೆ, ಇದರಲ್ಲಿ ಒಟ್ಟು 9 ನಾಯಿಗಳು ಇದ್ದು, ಸತತವಾಗಿ 2 ವರ್ಷ ಆಕ್ಟಿಂಗ್‌ ತರಬೇತಿ ಪಡೆದಿವೆ.

ವಾಲಟ್ಟಿ ಸಿನಿಮಾದ ಕನ್ನಡ ಡೈಲಾಗ್‌ ಡಬ್ಬಿಂಗ್‌ ಜವಾಬ್ದಾರಿಯನ್ನು ರತ್ನನ್‌ ಪ್ರಪಂಚ ಸಿನೆಮಾದ ನಿರ್ದೇಶಕ ರೋಹಿತ್‌ ಪದಕ್ಕಿ ವಹಿಸಿಕೊಂಡಿದ್ದಾರೆ. ವಿಜಯ್‌ ಬಾಬುರವರು ವಾಲಟ್ಟಿ – ಎ ಟೇಲ್‌ ಆಫ್ ಟೇಲ್ಸ್ ಚಿತ್ರವನ್ನು ಮಲಯಾಳಂನಲ್ಲಿ ಪ್ರಸ್ತುತ ಪಡಿಸುತ್ತಿದ್ದಾರೆ.

ನಿರ್ದೇಶಕ ದೇವನ್‌ ಆಕ್ಷನ್‌ ಕಟ್‌ ಹೇಳಿರುವ ಚೊಚ್ಚಲ ಚಿತ್ರ ಇದಾಗಿದೆ. ವಾಲಟ್ಟಿ – ಎ ಟೇಲ್‌ ಆಫ್ ಟೇಲ್ಸ್‌ ಈಗಾಗಲೇ ಚಿತ್ರವು ಮಲಯಾಳಂನಲ್ಲಿ ಬಿಡುಗಡೆಯಾಗಿದೆ. ಜು.21 ರಂದು ಕನ್ನಡ, ತಮಿಳು, ತೆಲುಗು, ಹಿಂದಿಯಲ್ಲಿ ಚಿತ್ರ ಬಿಡುಗಡೆಯಾಗಲಿದೆ.