16 ಟ್ರೇಲರ್‌ ಕಬ್ಬು ಸಾಗಿಸಿ ದಾಖಲೆ ಬರೆದ ಉತ್ತೂರ ರೈತ

ಮುಧೋಳ: ತಾಲೂಕಿನ ಉತ್ತೂರ ಗ್ರಾಮದ ರೈತ ಪುಂಡಲೀಕ ಕೊಳೂರ ಒಂದೇ ಬಾರಿಗೆ 16 ಟ್ರೇಲರ್‌ ಜೋಡಿಸಿ ಸಮೀಪದ ಇಂಡಿಯನ್‌ ಕೇನ್‌ ಪವರ್‌ ಲಿಮಿಟೆಡ್‌ (ಐಸಿಪಿಎಲ್‌) ಸಕ್ಕರೆ ಕಾರ್ಖಾನೆಗೆ ಕಬ್ಬು ಸಾಗಣೆ ಮಾಡುವ ಸಾಧೆನೆಗೈದಿದ್ದಾರೆ. 16 ಕಾರ್ಮಿಕರೊಳಗೊಂಡ ತಂಡ 16 ಟ್ರೇಲರ್‌ ಕಬ್ಬು ಹೇರಿದ್ದರು.

ಈ ಹಿಂದೆ ಗೋಕಾಕ ತಾಲೂಕಿನ ಸುಣದೋಳಿ ರೈತ ರೊಬ್ಬರು 10 ಟ್ರೇಲರ್‌ ಕಬ್ಬು ಹೇರುವ ಮೂಲಕ ದಾಖಲೆ ನಿರ್ಮಿಸಿದ್ದರು. ಕೆಲ ದಿನಗಳ ಹಿಂದೆ ಉತೂ ರಿನ ರೈತ ಸತ್ಯಪ್ಪ ರಾಮಪ್ಪ ಕಾತರಕಿ 12 ಟ್ರೇಲರ್‌ ಕಬ್ಬು ತುಂಬಿ ಉತ್ತೂರ ಐಸಿಪಿಎಲ್‌ ಸಕ್ಕರೆ ಕಾರ್ಖಾನೆಗೆ 6 ಕಿ.ಮೀ.ವರೆಗೆ ಜಗ್ಗಿಸಿ ಗಮನ ಸೆಳೆದಿದ್ದರು.

ಇದೀಗ ಅದೇ ಗ್ರಾಮದ ಪುಂಡಲೀಕ ಕೊಳೂರ ಅವರ ವಾಹನ 16 ಟ್ರೇಲರ್‌ಗಳ ಮೂಲಕ 6 ಕಿ.ಮೀ. ಸಾಗಿಸಿದ್ದಾರೆ. ರೈತನ ಸಾಧನೆಗೆ ಗ್ರಾಮಸ್ಥರು ರಸ್ತೆಯುದ್ದಕ್ಕೂ ಗುಲಾಲು ಎರಚಿ, ಪಟಾಕಿ ಸಿಡಿಸಿ ಸಂಸತ ವ್ಯಕ್ತಪಡಿಸಿದರು. ಬಳಿಕ ನೂತನ ದಾಖಲೆ ನಿರ್ಮಿಸಿದ ಪುಂಡಲೀಕ ಕೊಳೂರ ಅವರನ್ನು ಗ್ರಾಮಸ್ಥರು ಸನ್ಮಾನಿಸಿದರು.