Advertisement
ಒಂದು ವೇಳೆ ಉತ್ತರಪ್ರದೇಶ ಶನಿವಾರ ಬೇಗ ಆಲೌಟಾದರೆ, ರಾಜ್ಯಕ್ಕೆ ಗೆಲ್ಲುವ ಅವಕಾಶವಿದೆ. ಗೆದ್ದರೆ ರಾಜ್ಯಕ್ಕೆ 6 ಅಂಕ ಸಿಗಲಿದ್ದು ಕ್ವಾರ್ಟರ್‌ ಫೈನಲ್‌ಗೇರುವ ಆಸೆ ಉಳಿಯಲಿದೆ. ಒಂದು ವೇಳೆ ಡ್ರಾ ಆದರೆ ಇನ್ನಿಂಗ್ಸ್‌ ಮುನ್ನಡೆ ಆಧಾರದ ಮೇಲೆ 3 ಅಂಕ ಸಿಗಲಿದೆ. ಇದರಿಂದ ಹೆಚ್ಚಿನ ಪ್ರಯೋಜನವಿಲ್ಲ. ಗೆಲ್ಲುವ ಯತ್ನದಲ್ಲಿ ಸೋಲು ಎದುರಾಗದಂತೆ ನೋಡಿಕೊಳ್ಳುವುದು ಕೂಡ ಮೇಲಿರುವ ಹೊಣೆಗಾರಿಕೆಯಾಗಿದೆ.
Related Articles
Advertisement
ಮುಂಬಯಿಗೆ ಸುಲಭ ಸವಾಲುಹೊಸದಿಲ್ಲಿ: ಸರ್ವೀಸಸ್‌ ವಿರುದ್ಧದ ಎಲೈಟ್‌ ಗ್ರೂಪ್‌ “ಎ’ ರಣಜಿ ಪಂದ್ಯದಲ್ಲಿ ಮುಂಬಯಿ 135 ರನ್ನುಗಳ ಸುಲಭ ಗುರಿ ಪಡೆದಿದೆ. 3ನೇ ದಿನದಾಟದ ಅಂತ್ಯಕ್ಕೆ ಒಂದು ವಿಕೆಟಿಗೆ 24 ರನ್‌ ಗಳಿಸಿದೆ. ಗೆಲುವಿಗೆ ಇನ್ನು 111 ರನ್‌ ಮಾಡಿದರೆ ಸಾಕು. 48 ರನ್‌ ಹಿನ್ನಡೆಗೆ ಸಿಲುಕಿದ ಸರ್ವೀಸಸ್‌, ತನ್ನ ದ್ವಿತೀಯ ಸರದಿಯಲ್ಲಿ 182ಕ್ಕೆ ಆಲೌಟ್‌ ಆಯಿತು. ಮೋಹಿತ್‌ ಅವಸ್ತಿ 4, ಶಾದೂìಲ್‌ ಠಾಕೂರ್‌ 3 ವಿಕೆಟ್‌ ಉರುಳಿಸಿ ಮುಂಬಯಿಗೆ ಮೇಲುಗೈ ಒದಗಿಸಿದರು. ಸರ್ವೀಸಸ್‌ ಪರ ಅರ್ಜುನ್‌ ಶರ್ಮ ಸರ್ವಾಧಿಕ 39, ಪುಳಕಿತ್‌ ನಾರಂಗ್‌ 35, ಮೋಹಿತ್‌ ಅಹ್ಲಾವತ್‌ 31 ರನ್‌ ಮಾಡಿದರು. ಚೇಸಿಂಗ್‌ ವೇಳೆ ಮುಂಬಯಿ ಆಯುಷ್‌ ಮ್ಹಾತ್ರೆ (4) ಅವರ ವಿಕೆಟ್‌ ಕಳೆದುಕೊಂಡಿದೆ. ಅಂಗ್‌ಕೃಶ್‌ ರಘುವಂಶಿ (13) ಮತ್ತು ಸಿದ್ದೇಶ್‌ ಲಾಡ್‌ (7) ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ.