ಉತ್ತರ ಪ್ರದೇಶದಲ್ಲಿ ಅಪಘಾತ:ಕಲಬುರಗಿಯ ಎಎಸ್‌ಐ ದಾರುಣ ಸಾವು

ಕಲಬುರಗಿ: ವಿಧಾನಸಭಾ ಚುನಾವಣಾ ಕರ್ತವ್ಯಕ್ಕೆ ತೆರಳಿದ್ದ ರಾಜ್ಯದ ಎಎಸ್‌ಐಯೊಬ್ಬರು ಅಪಘಾತದಲ್ಲಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ. 

6 ನೇ ಮೀಸಲು ಪಡೆ ಯ ಅಮೃತ್‌ ಬಿ( 50) ಎನ್ನುವವರು ಮಾರ್ಚ್‌ 8 ರಂದು 
ವಾರಣಾಸಿ ಬಳಿ  ಜೇಹಾನ್‌ಪುರ್‌ ಎಂಬಲ್ಲಿ ಚುನಾವಣಾ ಕರ್ತವ್ಯ ಮುಗಿಸಿ ಬರುತ್ತಿದ್ದ ವೇಳೆ ಅವರು ಪ್ರಯಾಣಿಸುತ್ತಿದ್ದ ಬಸ್‌ಗೆ ಲಾರಿ ಢಿಕ್ಕಿಯಾಗಿದೆ . ಅವಘಡದಲ್ಲಿ  ಅಮೃತ್‌ ಸ್ಥಳದಲ್ಲೇ ಮೃತಪಟ್ಟಿದ್ದರು. 

ಚೆನ್ನವೀರ ನಗರದ ನಿವಾಸಕ್ಕೆ ಅವರ ಪಾರ್ಥೀವ ಶರೀರವನ್ನು ತರಲಾಗಿದ್ದು ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.