US; ಕಟಕಟೆಯಲ್ಲೇ ಜಡ್ಜ್ ಜತೆ ಟ್ರಂಪ್‌ ಜಗಳ!

ನ್ಯೂಯಾರ್ಕ್‌: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ವಿಚಾರಣೆ ವೇಳೆ ಕಟಕಟೆಯಿಂದಲೇ ನ್ಯಾಯಾಧೀಶರು ಮತ್ತು ನ್ಯೂಯಾರ್ಕ್‌ ಅಟಾರ್ನಿ ಜನರಲ್‌ ವಿರುದ್ಧವೇ ಕೂಗಾಡಿದ್ದಾರೆ. ವಂಚನೆ ಪ್ರಕರಣದ ವಿಚಾರಣೆ ವೇಳೆ ಈ ಘಟನೆ ನಡೆದಿದೆ. ಬಹು ಹೊತ್ತಿನ ವರೆಗೆ ತಾಳ್ಮೆಯಿಂದ ಟ್ರಂಪ್‌ ಮಾತುಗಳನ್ನು ಆಲಿಸುತ್ತಿದ್ದ ನ್ಯಾ| ಆರ್ಥರ್‌ ಎನ್‌ಗೊರೊನ್‌ “ಇದು ರಾಜಕೀಯ ರ್ಯಾಲಿ ಅಲ್ಲ. ವಕೀಲರು ಕೇಳಿದ ಪ್ರಶ್ನೆಗಳಿಗೆ ಮಾತ್ರ ಉತ್ತರಿಸಿ’ ಎಂದು ಕಟುವಾಗಿ ಹೇಳಿದರು. ಈ ವೇಳೆ ಟ್ರಂಪ್‌ ಮಿತಿ ಮೀರಿ ಮಾತನಾಡುತ್ತಿದ್ದರು. ಇದನ್ನು ನೋಡಿ, “ನಿಮ್ಮ ಕಕ್ಷಿದಾರರನ್ನು ಎಚ್ಚರಿಕೆಯಿಂದ ವರ್ತಿಸಲು ಹೇಳಿ’ ಎಂದು ವಕೀಲರಿಗೆ ಸೂಚಿಸಿದರು.