ಅಮೆರಿಕಕ್ಕೆ ಅಫ್ಘಾನಿಸ್ಥಾನದಲ್ಲಿ ಎಲ್‌ಇಟಿ ಅತೀ ದೊಡ್ಡ ಬೆದರಿಕೆ: ಪೆಂಟಗನ್‌

ವಾಷಿಂಗ್ಟನ್‌ : ಸಮರತ್ರಸ್ತ ಅಫ್ಘಾನಿಸ್ಥಾನದಲ್ಲಿರುವ ಅಮೆರಿಕ ಮತ್ತು ಅದರ ಮಿತ್ರಪಡೆಗಳಿಗೆ ಪಾಕ್‌ ಮೂಲದ ಲಷ್ಕರ್‌ ಎ ತಯ್ಯಬ ಉಗ್ರ ಸಂಘಟನೆಯು ಅತೀ ದೊಡ್ಡ ಬೆದರಿಕೆಯಾಗಿದೆ ಎಂದು ಪೆಂಟಗನ್‌ ಹೇಳಿದೆ.

ಅಫ್ಘಾನಿಸ್ಥಾನದಲ್ಲಿ ಕನಿಷ್ಠ 300 ಎಲ್‌ಇಟಿ ಉಗ್ರರು ಸಕ್ರಿಯರಾಗಿದ್ದಾರೆ ಎಂದು ಪೆಂಟಗನ್‌ ಹೇಳಿದೆ.

ಅಮೆರಿಕ ಮತ್ತು ವಿಶ್ವಸಂಸ್ಥೆಯಿಂದ ನಿಷೇಧಕ್ಕೆ ಗುರಿಯಾಗಿರುವ ಲಷ್ಕರ್‌ ಎ ತಯ್ಯಬ ಉಗ್ರ ಸಂಘಟನೆ 2008ರ ಮುಂಬಯಿ ದಾಳಿಗೆ ಕಾರಣವಾಗಿದ್ದು ಆ ದಾಳಿಯಲ್ಲಿ ಅದು 166 ಮಂದಿಯನ್ನು ಬಲಿಪಡೆದಿತ್ತು.

ಪೆಂಟಗನ್‌ ಹೇಳಿರುವ ಪ್ರಕಾರ ಅಫ್ಘಾನಿಸ್ಥಾನದಲ್ಲಿ 20 ಪ್ರಮುಖ ಉಗ್ರ ಸಂಘಟನೆಗಳು ಸಕ್ರಿಯವಾಗಿವೆ; ಇವುಗಳ ಪೈಕಿ ಲಷ್ಕರ್‌ ಎ ತಯ್ಯಬ ಅತ್ಯಧಿಕ ಉಗ್ರರನ್ನು ಹೊಂದಿರುತ್ತಾ ಅಲ್‌ ಕಾಯಿದಾ ಮತ್ತು ಇಸ್ಲಾಮಿಕ್‌ ಮೂವ್‌ಮೆಂಟ್‌ ಆಫ್ ಉಜ್ಬೆಕಿಸ್ಥಾನ್‌ ಜತೆಗೆ ಐದನೇ ಸ್ಥಾನದಲ್ಲಿದೆ.