US ಕರಡಿ ಮಾಂಸ ತಿಂದ ಕುಟುಂಬ ಸದಸ್ಯರ ಮೆದುಳಿನಲ್ಲಿ ಹುಳ!

ವಾಷಿಂಗ್ಟನ್‌: ಅರೆಬೆಂದ ಕರಡಿ ಮಾಂಸ ಸೇವಿಸಿದ ಅಮೆರಿಕದ ಕುಟುಂಬವೊಂದರ ಸದಸ್ಯರಿಗೆ ಮೆದುಳಿನಲ್ಲಿ ಹುಳ(ಬ್ರೈನ್‌ ವರ್ಮ್)ಗಳಿಂದ ಸೋಂಕು ತಗುಲಿದೆ ಎಂದು ಮಿನ್ನಸೋಟಾದ ಆರೋಗ್ಯ ಇಲಾಖೆ ವರದಿ ತಿಳಿಸಿದೆ.

2022ರಲ್ಲಿ 29 ವರ್ಷದ ವ್ಯಕ್ತಿಯೋರ್ವ ಜ್ವರ, ಸ್ನಾಯು ನೋವು, ಕಣ್ಣಿನ ಸುತ್ತ ಬಾವು ಮುಂತಾದ ಸಮಸ್ಯೆಗಳಿಂದ ಪದೇ ಪದೆ ಆಸ್ಪತ್ರೆಗೆ ದಾಖಲಾಗಿದ್ದ. ಆತನ ಕುಟುಂಬದ 5 ಮಂದಿಗೂ ಇದೇ ಸಮಸ್ಯೆ ತಲೆದೋರಿತ್ತು. ಈ ಕುರಿತು ತನಿಖೆ ನಡೆಸಿದಾಗ, ಸಮಾರಂಭನೊಂದ ರಲ್ಲಿ ಕರಡಿ ಮಾಂಸದಿಂದ ಮಾಡಿದ್ದ ಕಬಾಬ್‌ ಸೇವಿಸಿದ್ದೇ ಈ ಕಾಯಿ ಲೆಗೆ ಕಾರಣ ಎಂದು ತಿಳಿದುಬಂದಿದೆ.

ಮಾಂಸವನ್ನು ಒಂದೂವರೆ ತಿಂಗಳು ಫ್ರೀಜರ್‌ನಲ್ಲಿಟ್ಟಿದ್ದು, ನಂತರ ಅರೆಬರೆ ಬೇಯಿಸಿ ಹಂಚಲಾಗಿತ್ತು. ಇದರಿಂದ ಟ್ರಿಚಿನೆಲ್ಲೊಸಿಸ್‌ ಎಂಬ ಹುಳು ರೋಗಿಗಳ ಮೆದುಳಿನಲಿ ಕಾಣಿಸಿಕೊಂಡಿದೆ ಎಂದು ವರದಿ ಹೇಳಿದೆ.