ಅಮೆರಿಕದಿಂದ 52 ಅಕ್ರಮ ಪಾಕ್‌ ವಲಸಿಗರು ಪಾಕಿಸ್ಥಾನಕ್ಕೆ ಗಡೀಪಾರು; ಮಾಧ್ಯಮ

ಇಸ್ಲಾಮಾಬಾದ್‌ : ಅಮೆರಿಕದಿಂದ ಗಡೀಪಾರಾಗಿರುವ 52 ಮಂದಿ ಅಕ್ರಮ ಪಾಕ್‌ ವಲಸಿಗರು ಇಂದು ಗುರುವಾರ ವಿಶೇಷ ವಿಮಾನದಲ್ಲಿ ಬಿಗಿ ಭದ್ರತೆಯೊಂದಿಗೆ ಇಲ್ಲಿನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿರುವುದಾಗಿ ಎಂದು ಪಾಕ್‌ ಮಾದ್ಯಮಗಳು ವರದಿ ಮಾಡಿವೆ.

ವಲಸೆ ನಿಯಮ ಉಲ್ಲಂಘನೆ, ಕ್ರಿಮಿನಲ್‌ ವರ್ತನೆ ಮತ್ತು ಇತರ ಗಂಭೀರ ಆರೋಪಗಳ ಮೇಲೆ ಪಾಕ್‌ ಪ್ರಜೆಗಳನ್ನು ಅಮೆರಿಕದ ವಲಸೆ ಅಧಿಕಾರಿಗಳು ವಶಕ್ಕೆ ತೆಗೆದುಕೊಂಡು ಕಾನೂನು ಪ್ರಕಾರ ಶಿಕ್ಷಿಸಿದೆ ಎಂದು ಕಳೆದ ಮಂಗಳವಾರ ಪಾಕ್‌ ವಿದೇಶ ಸಚಿವ ಶಾ ಮಹಮೂದ್‌ ಕುರೇಶಿ ಅವರು ವಿದೇಶ ವ್ಯವಹಾರಗಳ ಮೇಲಿನ ರಾಷ್ಟ್ರೀಯ ಅಸೆಂಬ್ಲಿಯ ಸ್ಥಾಯೀ ಸಮಿತಿಗೆ ತಿಳಿಸಿದ್ದರು.

ಗಡೀಪಾರಾಗಿರುವ 53 ಪಾಕಿಸ್ಥಾನೀಯರಲ್ಲಿ 52 ಮಂದಿ ಬುಧವಾರ ಬಂದಿಳಿದಿದ್ದಾರೆ; ಒಬ್ಟಾತ ಅಮೆರಿಕ ವಿಮಾನ ನಿಲ್ದಾಣದಲ್ಲೇ ಅಸ್ವಸ್ಥನಾಗಿರುವುದರಿಂದ ಆತನನ್ನು ಮರಳಿಸಲಾಗಿಲ್ಲ ಎಂದು ಡಾನ್‌ ದೈನಿಕ ವರದಿ ಮಾಡಿದೆ.