PM Modi ಮಣಿಪುರ ಭೇಟಿಗೆ ಆಗ್ರಹಿಸಿ: ರಾಹುಲ್‌ಗೆ ಮನವಿ

ಸೇನಾಪತಿ: “ಭಾರತ್‌ ಜೋಡೋ ನ್ಯಾಯ ಯಾತ್ರೆ’ಯ 2ನೇ ದಿನವಾದ ಸೋಮವಾರ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿಯವರು ಮಣಿಪುರದ ಸೆಕಾ¾ಯಿಯಿಂದ ಪ್ರಯಾಣ ಆರಂಭಿಸಿದ್ದಾರೆ.

ವೋಲ್ವೋ ಬಸ್‌ನಲ್ಲಿ ಸಂಚರಿಸಿದ ಅವರು,  ಕೆಲ ಹೊತ್ತು ಕಾಲ್ನಡಿಗೆಯಲ್ಲೇ ಸಾಗಿ ಮಹಿಳೆಯರು, ಯುವಜನರು, ನಾಗರಿಕ ಸಮಾಜದ ಸದಸ್ಯರು, ವಿ’ದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದ್ದಾರೆ. ಇದೇ ವೇಳೆ, ರಾಹುಲ್‌ರನ್ನು ಭೇಟಿಯಾದ ಮಣಿಪುರದ ಕೆಲವು ಸಂಘಟನೆಗಳು, “ಲೋಕಸಭೆ ಚುನಾವಣೆಗೂ ಮುನ್ನ ಪ್ರಧಾನಿ ಮೋದಿಯವರು ಸಂಘರ್ಷ ಪೀಡಿತ ಮಣಿಪುರಕ್ಕೆ ಭೇಟಿ ನೀಡುವಂತೆ ಸಂಸತ್‌ನಲ್ಲಿ ಕಾಂಗ್ರೆಸ್‌ ಆಗ್ರಹಿಸಬೇಕು’ ಎಂದು ಮನವಿ ಮಾಡಿದರು.

ಇನ್ನು, ಸೇನಾಪತಿಯಲ್ಲಿ ತಮ್ಮ ಬಸ್‌ ಮೇಲೆ ನಿಂತು ಭಾಷಣ ಮಾಡಿದ ರಾಹುಲ್‌, ನಿಮ್ಮೆಲ್ಲರ ನೋವು ನನಗೆ ಅರ್ಥವಾಗುತ್ತದೆ. ನೀವು ನಿಮ್ಮ ಪ್ರೀತಿಪಾತ್ರರನ್ನು ಕಳೆದುಕೊಂಡಿದ್ದೀರಿ, ಮನೆಗಳನ್ನು ಕಳೆದುಕೊಂಡಿದ್ದೀರಿ,  ನಿಮ್ಮೊಂದಿಗೆ ನಾವಿದ್ದೇವೆ. ಮಣಿಪುರದಲ್ಲಿ ಶಾಂತಿ ಮರುಸ್ಥಾಪಿಸುವುದು ನಮ್ಮ ಉದ್ದೇಶವೂ ಹೌದು ಎಂದಿದ್ದಾರೆ. ಯಾತ್ರೆಯು ಸೋಮವಾರ ಸೆಕಾ¾ಯಿಯಿಂದ ಕಾಂಗ್‌ಪೋಕಿ³ ತಲುಪಲಿದ್ದು, ರಾಹುಲ್‌ ಮತ್ತಿತರರು ರಾತ್ರಿ ನಾಗಾಲ್ಯಾಂಡ್‌ನಲ್ಲಿ ತಂಗಲಿದ್ದಾರೆ.