Bangladesh PM: ಚೀನಾ ಬಗ್ಗೆ ಮುನಿಸು: ಪ್ರವಾಸ ಮೊಟಕುಗೊಳಿಸಿ ಮರಳಿದ ಬಾಂಗ್ಲಾ ಪ್ರಧಾನಿ

ಢಾಕಾ: ಬಾಂಗ್ಲಾದೇಶ ಪ್ರಧಾನಿ ಶೇಖ್‌ ಹಸೀನಾ ತಮ್ಮ ಚೀನಾ ಪ್ರವಾಸವನ್ನು ಮೊಟಕುಗೊಳಿಸಿ ಒಂದು ದಿನ ಮುಂಚಿತವಾಗಿಯೇ ಸ್ವದೇಶಕ್ಕೆ ಮರಳಿದ್ದಾರೆ.

ಬೀಜಿಂಗ್‌ ತಮಗೆ ಆರ್ಥಿಕ ನೆರವು ನೀಡುವಲ್ಲಿ ವಿಫ‌ಲವಾಗಿದ್ದು, ಜತೆಗೆ ಸೂಕ್ತ ಶಿಷ್ಟಾಚಾರ ಒದಗಿಸಲಿಲ್ಲ ಎಂದು ಹಸೀನಾ ಅಸಮಾಧಾನಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಹಸೀನಾ ಚೀನಾಗೆ 4 ದಿನಗಳ ಪ್ರವಾಸ ಕೈಗೊಂಡಿದ್ದರು. ಆದರೆ ಮೂರೇ ದಿನಕ್ಕೇ ಪ್ರವಾಸ ಮುಗಿಸಿ ಬುಧವಾರ ಮರಳಿದ್ದರು. ಹಸೀನಾ ಅವರು ಹೀಗೆ ಅರ್ಧಕ್ಕೇ ಮರಳಿರುವುದು, ಅವರ ಪ್ರವಾ ಸದ ಉದ್ದೇಶಗಳು ಈಡೇರಿಲ್ಲ ಎಂಬುದನ್ನು ಸೂಚಿಸುತ್ತಿವೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.