ಉಪ್ಪಿನಂಗಡಿ: ಜನಸಂಚಾರ; ವಾಹನ ದಟ್ಟಣೆ

ಉಪ್ಪಿನಂಗಡಿ: ಸೋಮವಾರ ಬೆಳಗ್ಗಿನಿಂದಲೇ ಉಪ್ಪಿನಂಗಡಿ ಪೇಟೆಯಲ್ಲಿ ಜನಸಂಚಾರ ಹೆಚ್ಚಿದ್ದು, ವಾಹನ ದಟ್ಟನೆಯೂ ಹೆಚ್ಚಾಗಿತ್ತು.

ಬೆಳಗ್ಗಿನಿಂದಲೇ ಪ್ರತಿಯೊಂದು ಅಂಗಡಿಗಳ ಮುಂದೆ ಜನ ಜಮಾಯಿಸಿದ್ದರು. ಸಬ್‌ ಇನ್‌ಸ್ಪೆಕ್ಟರ್‌ ಈರಯ್ಯ ಮತ್ತು ಸಿಬಂದಿ ವಾಹನ ಚಾಲಕರಿಗೆ ಸೂಚನೆ ನೀಡಿ, ಸುಗಮ ಸಂಚಾರಕ್ಕೆ ವ್ಯವಸ್ಥೆ ಮಾಡಿದರು.

ಮೈಕ್‌ನಲ್ಲಿ ಸೂಚನೆ
ಎಸ್‌.ಐ. ಪೇಟೆಯ ರಸ್ತೆಯಲ್ಲಿ ಸಾಗಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಅಂಗಡಿಯವರಿಗೆ ಸೂಚನೆ ನೀಡುವುದರ ಜತೆಗೆ ಅಂತರ ಕಾಯ್ದುಕೊಳ್ಳುವಂತೆ ಮತ್ತು ಮಾಸ್ಕ್ ಧರಿಸಿಕೊಳ್ಳುವಂತೆ ಸೂಚನೆ ನೀಡಿ ಜನರಲ್ಲಿ ಜಾಗೃತಿ ಮೂಡಿಸಿದರು.