ಉಪ್ಪಿನಂಗಡಿ: ಭರದಿಂದ ಸಾಗುತ್ತಿದೆ ಚತುಷ್ಪಥ ಕಾಮಗಾರಿ

ಉಪ್ಪಿನಂಗಡಿ: ರಾ.ಹೆ. 75ನ್ನು ಚತುಷ್ಪಥಗೊಳಿಸುವ ಕಾಮಗಾರಿ ಭರದಿಂದ ನಡೆಯುತ್ತಿದ್ದು, ಉಪ್ಪಿನಂಗಡಿಯ ಕುಮಾರಧಾರ ನದಿಗೆ ಹೆಚ್ಚುವರಿ ಸೇತುವೆ ನಿರ್ಮಾಣಕ್ಕಾಗಿ ನದಿಗೆ ಮಣ್ಣು ಹಾಕಿ ಸೇತುವೆಯ ಪಿಲ್ಲರ್‌ ನಿರ್ಮಾಣ ಕಾರ್ಯ ನಡೆಯುತ್ತಿದೆ.

ಪ್ರಸಕ್ತ ಅತ್ಯಾಧುನಿಕ ತಂತ್ರಜ್ಞಾನ ಬಳಕೆ ಮಾಡಿ ಸೇತುವೆ ತ್ವರಿತ ನಿರ್ಮಾಣಕ್ಕೆ ಮುಂದಾಗಿದ್ದು, ನದಿಯ ಹರಿಯುವಿಕೆಯ ಶೇ. 75 ಭಾಗವನ್ನು ಭಾರೀ ಪ್ರಮಾಣದ ಮಣ್ಣು ಹಾಕಿ ರಸ್ತೆ ಸ್ವರೂಪದಲ್ಲಿ ಭೂ ಭಾಗವನ್ನು ಸೃಷ್ಟಿಸಿ, ಕೊಳವೆಬಾವಿಯಂತೆ ಭೂಮಿ ಕೊರೆದು ಪಿಲ್ಲರ್‌ ಗುಂಡಿ ರಚಿಸಲಾಗುತ್ತಿದೆ.