Advertisement
ಗ್ರಾಹಕರಿಗೆ ಯುಪಿಐ 123 ಪಾವತಿ ಸೇವೆಯನ್ನು ಒದಗಿಸಲು ಸೌಂಡ್‌ ವೇವ್‌ ಟೆಕ್ ಸೊಲ್ಯೂಷನ್ಸ್‌ ಸಂಸ್ಥೆ ಟೋನ್‌ಟ್ಯಾಗ್‌ ದೇಶದ ಅತಿದೊಡ್ಡ ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳೊಂದಿಗೆ ಸಹಭಾಗಿತ್ವ ಮಾಡಿಕೊಂಡಿದೆ. “ವಾಯ್ಸ ಸೇ ಯುಪಿಐ ಡಿಜಿಟಲ್‌ ಪಾವತಿ’ ಮೂಲಕ ಫೀಚರ್‌ ಫೋನ್‌ ಬಳಕೆದಾರರು ಕೇವಲ ಧ್ವನಿಯ ಮೂಲಕ ಕನ್ನಡ, ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಬಂಗಾಳಿ ಭಾಷೆಗಳಲ್ಲಿ ಡಿಜಿಟಲ್‌ ವಹಿವಾಟು ನಡೆಸಬಹುದು.
ಮೊದಲಿಗೆ ನೀವು “6366 200 200′ ಎಂಬ ಐವಿಆರ್‌ ಸಂಖ್ಯೆಗೆ ಕರೆ ಮಾಡಬೇಕು. ಅಲ್ಲಿ ಭಾಷೆಯ ಆಯ್ಕೆ ಕೊಟ್ಟಾಗ “ಕನ್ನಡ’ ಎಂದು ಹೇಳಿದರೆ ಸಾಕು. ಈ ಸೇವೆಯ ಮೂಲಕ ನೀವು ಕೇವಲ ಧ್ವನಿಯಲ್ಲೇ ನೀರು, ವಿದ್ಯುತ್‌ ಸೇರಿದಂತೆ ಯುಟಿಲಿಟಿ ಬಿಲ್‌ ಪಾವತಿ ಮಾಡಬಹುದು, ನಿಮ್ಮ ಖಾತೆಯಲ್ಲಿ ಹಣ ಎಷ್ಟಿದೆ ಎಂದು ನೋಡಬಹುದು, ಫಾಸ್ಟಾಗ್‌ ಆ್ಯಕ್ಟಿವೇಷನ್‌ ಅಥವಾ ರೀಚಾರ್ಜ್‌ ಮಾಡಬಹುದು. ಆದರೆ, ಹಣ ವರ್ಗಾವಣೆಗೆ ಅವಕಾಶವಿರುವುದಿಲ್ಲ.