Advertisement
ನಾಯಕ ರೋಹಿತ್ ಕುಮಾರ್ ಅವರ ಭರ್ಜರಿ ರೈಡ್ನಿಂದ ಬುಲ್ಸ್ ತಂಡವು 38-32 ಅಂಕಗಳಿಂದ ಯುಪಿ ತಂಡವನ್ನು ಕೆಡಹಿತು. ಆದರೆ ಏಳು ಅಂಕಗಳಿಗಿಂತ ಕಡಿಮೆ ಅಂತರದಲ್ಲಿ ಸೋತ ಕಾರಣ ಒಂದು ಅಂಕ ಪಡೆದ ಯುಪಿ ತಂಡ ತಾನಾಡಿದ 21 ಪಂದ್ಯಗಳಿಂದ ಒಟ್ಟು 60 ಅಂಕ ಗಳಿಸಿ ಸೂಪರ್ ಪ್ಲೇ ಆಫ್ಗೆ ತೇರ್ಗಡೆಯಾಗುವುದನ್ನು ಖಚಿತಪಡಿಸಿದರು. ಬೆಂಗಳೂರು ಇನ್ನೂ ಎರಡು ಪಂದ್ಯ ಆಡಲಿದ್ದು ಸದ್ಯ 20 ಪಂದ್ಯಗಳಿಂದ 49 ಅಂಕ ಗಳಿಸಿದೆ. ಇನ್ನೆರಡು ಪಂದ್ಯಗಳಲ್ಲಿ ಗೆದ್ದರೂ ತಂಡದ ಮೊತ್ತ 59 ಆಗಲಿದ್ದು ನಾಲ್ಕನೇ ಸ್ಥಾನ ಪಡೆಯಬಹುದಾಗಿದೆ. ಬೆಂಗಳೂರು ಇನ್ನೆರಡು ಪಂದ್ಯಗಳಲ್ಲಿ ಪಾಟ್ನಾ ಮತ್ತು ಯುಪಿ ತಂಡವನ್ನು ಎದುರಿಸಲಿದೆ.
ದಿನದ ಎರಡನೇ ಪಂದ್ಯದಲ್ಲಿ ತವರಿನ ಪುನೇರಿ ಪಲ್ಟಾನ್ಸ್ ತಂಡವು “ಎ’ ವಲಯದ ಕೊನೆಯ ಸ್ಥಾನಿ ದಬಾಂಗ್ ಡೆಲ್ಲಿ ತಂಡವನ್ನು 34-31 ಅಂಕಗಳಿಂದ ರೋಚಕವಾಗಿ ಸೋಲಿಸಿತು. ಈ ಗೆಲುವಿನಿಂದ ಪುನೇರಿ ತಾನಾಡಿದ 19 ಪಂದ್ಯಗಳಿಂದ 73 ಅಂಕ ಗಳಿಸಿದೆ. ದ್ವಿತೀಯ ಸ್ಥಾನದಲ್ಲಿರುವ ಹರಿಯಾಣ 74 ಅಂಕ ಹೊಂದಿದೆ. ಹಾಗಾಗಿ ಪುನೇರಿ ದ್ವಿತೀಯ ಸ್ಥಾನಕ್ಕೇರುವ ಅವಕಾಶ ಹೊಂದಿದೆ.
Related Articles
Advertisement