ಸಹೋದರಿಯ ಪ್ರಿಯಕರನನ್ನು ಗುಂಡಿಕ್ಕಿ ಕೊಂದ ಆರೋಪಿ ಅರೆಸ್ಟ್‌

ಮುಜಫ‌ರನಗರ : ಸಹೋದರಿಯ ಪ್ರಿಯಕರನನ್ನು ಕೊಂದ ವ್ಯಕ್ತಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಇಂದು ಶನಿವಾರ ತಿಳಿಸಿದ್ದಾರೆ.

ಜಿಲ್ಲೆಯ ಮಿರಾನ್‌ಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಬಾಲಿಪುರ ಗ್ರಾಮದಲ್ಲಿ ನಿನ್ನೆ ಶುಕ್ರವಾರ ಸಂಜೆ 24ರ ಹರೆಯದ ಕುಲದೀಪ್‌ ಎಂಬಾತನನ್ನು ಮನೀಶ್‌ ಮತ್ತು ಆತನ ಸಹೋದರ ಶಿವ ಕುಮಾರ್‌ ಗುಂಡಿಕ್ಕಿ ಕೊಂದಿದ್ದರು.

ಘಟನೆಯ ಬಳಿಕ ಆರೋಪಿಯನ್ನು ಬೆನ್ನಟ್ಟಿದ ಪೊಲೀಸರು ಸಣ್ಣ ಮಟ್ಟಿನ ಗುಂಡಿನ ಚಕಮಕಿಯಲ್ಲಿ ಆರೋಪಿಯನ್ನು ಬಂಧಿಸಿದರು. ಇದೇ ವೇಳೆ ಪಲಾಯನ ಮಾಡಿರುವ ಶಿವ ಕುಮಾರ್‌ ಗಾಗಿ ಪೊಲೀಸರು ಶೋಧ ಕಾರ್ಯ ನಡೆಸಿದ್ದಾರೆ.

ಈ ಕೊಲೆ ಪ್ರಕರಣದಲ್ಲಿ ಇಬ್ಬರು ಸಹೋದರರ ಸಹಿತ ನಾಲ್ವರ ವಿರುದ್ಧದ ಕೇಸು ದಾಖಲಿಸಲಾಗಿದೆ ಎಂದು ಸರ್ಕಲ್‌ ಆಫೀಸರ್‌ ಎಸ್‌ ಎಂ ನೇಗಿ ತಿಳಿಸಿದ್ದಾರೆ.