ಮನಿಲಾದಲ್ಲಿ ಮಹಾತ್ಮನ ಪುತ್ಥಳಿ ಅನಾವರಣ

ಮನಿಲಾ: ಫಿಲಿಪ್ಪೀನ್ಸ್‌ ಪ್ರವಾಸದಲ್ಲಿರುವ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಅವರು ಭಾನುವಾರ ಮನಿಲಾದ ಮಿರಿಯಮ್‌ ಕಾಲೇಜಿನ ಆವರಣದಲ್ಲಿ ಮಹಾತ್ಮ ಗಾಂಧೀಜಿಯ ಪುತ್ಥಳಿಯನ್ನು ಅನಾವರಣಗೊಳಿಸಿದ್ದಾರೆ. ಬಳಿಕ ಕಾಲೇಜಿನ ಶಾಂತಿ ಶಿಕ್ಷಣ ಕೇಂದ್ರದಲ್ಲಿ ನಡೆದ ಕಾರ್ಯಕ್ರಮದಲ್ಲೂ ಭಾಗವಹಿಸಿ ಮಾತನಾಡಿದ ಅವರು, “ಮಹಾತ್ಮನ ಸತ್ಯ, ನೀತಿ ಹಾಗೂ ಸಹಾನುಭೂತಿಗಳಿಂದ ಭವಿಷ್ಯದ ತಲೆಮಾರು ಪ್ರೇರಣೆ ಪಡೆದುಕೊಳ್ಳಬೇಕು.

ಈ ಪುತ್ಥಳಿಯು ಭಾರತೀಯರು ನಿಮಗೆ ನೀಡುತ್ತಿರುವ ಪ್ರೀತಿಯ ಕೊಡುಗೆ. ಆದರೆ, ಮಹಾತ್ಮನು ಎಲ್ಲ ಜನರಿಗೂ, ಎಲ್ಲ ಜನಾಂಗಕ್ಕೂ, ಎಲ್ಲ ಸಂಸ್ಕೃತಿ ಹಾಗೂ ಸಮಾಜಕ್ಕೆ ಸೇರಿದವರು.

ಅವರ ಮಾರ್ಗದರ್ಶನದಲ್ಲೇ ನಮ್ಮ ಶಾಂತಿ, ಸಾಮರಸ್ಯ ಹಾಗೂ ಸುಸ್ಥಿರ ಅಭಿ ವೃದ್ಧಿಯ ಪಯಣ ಸಾಗಲಿ’ ಎಂದಿದ್ದಾರೆ. ಬಳಿಕ ಮನಿಲಾದಲ್ಲಿ ಭಾರತೀಯ ಸಮು ದಾಯವನ್ನು ಉದ್ದೇಶಿಸಿಯೂ ಕೋವಿಂದ್‌ ಮಾತನಾಡಿದ್ದಾರೆ.