ಅಕಾಲಿಕ ಮಳೆ: ನೆಲಗಡಲೆ ಬೆಳೆಗೆ ಕಂಟಕ

ಕೋಟ: ಕಳೆದ ಒಂದೆರಡು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದ ನೆಲಗಡಲೆ ಬೆಳೆಗೆ ಹಾನಿ ಉಂಟಾಗಿದೆ. 

ಕೀಳಲು ಸಿದ್ಧಗೊಂಡಿರುವ ಫಸಲು ಗದ್ದೆಯಲ್ಲೇ ಕೊಳೆಯುವ ಆತಂಕ ಎದುರಾಗಿದೆ. ಕೋಟ ಹೋಬಳಿ ವ್ಯಾಪ್ತಿಯಲ್ಲಿ ನೂರಾರು ಎಕ್ರೆ ಪ್ರದೇಶದಲ್ಲಿ ಈ ಬೆಳೆ ಬೆಳೆದಿದ್ದು ಇದೀಗ ರೈತನ ಮುಖದಲ್ಲಿ ಆತಂಕದ ಛಾಯೆ ಎದುರಾಗಿದೆ. ಮಳೆ ಇದೇ ರೀತಿ ಮುಂದುವರಿದಲ್ಲಿ ಬೆಳೆ ಹೇರಳವಾಗಿ ನಾಶವಾಗುವ ಆತಂಕ ಕೂಡ ಇದೆ . ಈಗಾಗಲೇ ಗಿಡ  ಕಿತ್ತು ಕಣದಲ್ಲಿ ರಾಶಿ ಹಾಕಿದವರ ಫಸಲು ಕಪ್ಪು ಬಣ್ಣಕ್ಕೆ ತಿರುಗಲಾರಂಭಿಸಿದೆ. ಈ ರೀತಿಯ ಫಸಲಿಗೆ ಬೇಡಿಕೆ ಕೂಡ ಕುಸಿಯಲಿದೆ.