ಕೊರೊನಾಗೆ ಲಸಿಕೆ : ಜರ್ಮನಿ ಸಂಸ್ಥೆಗೆ ಟ್ರಂಪ್‌ ಆಫ‌ರ್‌

ಜರ್ಮನಿಯ ಸಂಸ್ಥೆಯೊಂದು ಕೊರೊನಾಗೆ ಲಸಿಕೆ ಅಭಿವೃದ್ಧಿಪಡಿಸುವ ಯತ್ನದಲ್ಲಿದ್ದು, ಆ ಸಂಸ್ಥೆಗೆ ಅಮೆರಿಕ ಅಧ್ಯಕ್ಷ ಟ್ರಂಪ್‌ರಿಂದ ಆಹ್ವಾನ ಬಂದಿದೆ. ನಮ್ಮ ದೇಶಕ್ಕೆ ಬಂದು, ಲಸಿಕೆ ಅಭಿವೃದ್ಧಿಪಡಿಸಿದರೆ, ಭಾರೀ ಮೊತ್ತವನ್ನು ನೀಡುವುದಾಗಿ ಟ್ರಂಪ್‌ ಆ ಸಂಸ್ಥೆಗೆ ಆಫ‌ರ್‌ ನೀಡಿದ್ದಾರೆ ಎಂದು ಹೇಳಲಾಗಿದೆ.

ಕ್ಯೂರ್‌ ವ್ಯಾಕ್‌ ಎಂಬ ಸಂಸ್ಥೆಯ ಸಿಇ ಒ ಡೇನಿಯಲ್‌ರೊಂದಿಗೆ ಮಾ.2ರಂದೇ ಶ್ವೇತಭವನದಲ್ಲಿ ಟ್ರಂಪ್‌ ಸಭೆ ನಡೆಸಿದ್ದಾರೆ. ಈ ಸಂದರ್ಭ ದಲ್ಲೇ ಟ್ರಂಪ್‌ ಅವರು ಡೇನಿಯಲ್‌ಗೆ ಭಾರೀ ಮೊತ್ತದ ಆಫ‌ರ್‌ ನೀಡಿದ್ದಾರೆ ಎಂದು “ದಿ ನ್ಯೂಯಾರ್ಕ್‌ ಟೈಮ್ಸ್‌’ ವರದಿ ಮಾಡಿದೆ.