Angry; ಪ್ಯಾಲೆಸ್ತೀನ್‌ಗೆ ವಿಶ್ವಸಂಸ್ಥೆ ಸದಸ್ಯತ್ವ: ನಿರ್ಣಯ ಹರಿದೆಸೆದ ಇಸ್ರೇಲ್‌!

ವಿಶ್ವಸಂಸ್ಥೆ: ಪ್ಯಾಲೆಸ್ತೀನ್‌ಗೆ ವಿಶ್ವಸಂಸ್ಥೆಯ ಪೂರ್ಣ ಪ್ರಮಾಣದ ಸದಸ್ಯತ್ವ ನೀಡುವುದಕ್ಕೆ ವಿರೋಧ ವ್ಯಕ್ತಪಡಿಸಿ, ನಿರ್ಣಯದ ಪ್ರತಿಯನ್ನು ವಿಶ್ವಸಂಸ್ಥೆಯಲ್ಲಿನ ಇಸ್ರೇಲ್‌ ರಾಯಭಾರಿ ಗಿಲಾಡ್‌ ಎರ್ಡಾನ್‌ ಹರಿದು ಹಾಕಿದ್ದಾರೆ. ಪ್ಯಾಲೆಸ್ತೀನ್‌ಗೆ ಸದಸ್ಯತ್ವ ನೀಡುವುದಕ್ಕೆ ಭಾರತ ಸೇರಿ 143 ರಾಷ್ಟ್ರ ಬೆಂಬಲ ವ್ಯಕ್ತಪಡಿಸಿದ್ದರೆ, 25 ದೇಶ ಮತದಾನದಿಂದ ದೂರ ಉಳಿದಿವೆ. ಅಮೆರಿಕ, ಇಸ್ರೇಲ್‌ ಸೇರಿ 9 ರಾಷ್ಟ್ರ ಸದಸ್ಯತ್ವ ನೀಡುವುದಕ್ಕೆ ವಿರೋಧ ವ್ಯಕ್ತಪಡಿಸಿ ಮತ ಹಾಕಿವೆ. ಈ ವೇಳೆ ಮಾತನಾಡಿದ ಎರ್ಡಾನ್‌ ಪ್ಯಾಲೆಸ್ತೀನ್‌ಗೆ ಸದಸ್ಯತ್ವ ನೀಡುವುದು ಅನೈತಿಕ ಕ್ರಮ, ಆಧುನಿಕ ಯುಗ ನಾಜಿಗಳಿಗೆ(ಹಮಾಸ್‌) ವಿಶ್ವಸಂಸ್ಥೆಯೇ ಮುಕ್ತ ಸ್ವಾಗತ ನೀಡಿದಂತೆ ಎಂದಿದ್ದಾರೆ.